Arsim Saliu: Edhe njëherë u falenderoj, për besimin e falur !

Të nderuar bashkëatdhetarë.
Të dashur dhe të respektuar mërgimtar.

Kuvendi i organizuar dhe zhvilluar ditë më parë më besoi udhëheqjen me strukturën e Lëvizjes Besa-Dega në Zvicër.

Të të m’vishet petku i drejtuesit të mërgatës në periudhë kur shpresa e humbur ka kaluar të gjitha nivelet e besimit është përgjegjësi dhe detyrim kohor.
Por vlerësimi i tillë është edhe respektim dhe nderim që të bëjnë struktura të organizuara dhe vlerësuara në vendlindje e mërgim.

Nuk e kam menduar veten si më të ditur në asnjë periudhë, por duke u rrethuar nga njerëz shembullorë në familje e shoqëri kam arritur që të ruaj vyrtytet e të besuarit.
Në të gjitha periudhët jemi përpjekur të hapim shtigje rrugëtimi dhe veprimi më të lehtë, për gjeneratat që rriten në vendlindje e mërgim.

Jam munduar që të rrethohem nga njerëz që nuk kanë qenë asnjëjerë përfitues politik, nuk kanë bërë lojëra në emër të kombit, si dhe nuk janë bërë pjesë e pazareve të fëlliqura, të cilat tregtojnë interesat e kombit, për t’u shërbyer qëllimeve individuale.

Me njerëz që i’a duan të mirën vetes, familjes, kombit dhe gjithë qytetarëve të vendit ku jetojmë e veprojmë, pavarsisht fatit të shtegëtarve që e kemi patur si komb.
Me këtë rast falenderoj strukturat e Lëvizjes, të cilat më besuan udhëheqjen e Degës në Zvicër, e cila do të jetë në shërbim të projekteve të hartuara për pasardhësit dhe jetesën në vendlindjen e Tyre.

Do të “luftojm”, për të zhdukur praktikat:
– më ndihmo që të të mbroj ty,
– më jep që të të vlerësoj ty,

– më siguro vota që të të siguroj rrogë administratori dhe tendera ty…
Ne duhet të bëhemi bashkë dhe të strukturohemi mirëfilli në rradhët e Degës së Lëvizjes Besa me qëllim që të bëhemi faktor i vendimeve politike, të cilat lidhen ngushtë edhe me interesat e mërgimtarit që të gjithë kapitalin e investoi në vendlindje.

T’i themi ndal mashtrimit, vjedhjes dhe paperspektivës për fajin e politikanëve të harxhuar, që votuesin i trajtojn si të shitur për një vend pune ose pozitë.
Ngritja e zërit dhe reagimi në një të nesërme do të jetë tepër vonë.

Në mënyrë që të shmangim praktikën e akuzave se të tjerët i kanë fajet qe jemi në këtë gjendje, duhet bërë analiza të thella sa fajsi kemi, për këtë gjendje me të cilën përballemi.

Andaj është koha të bëhemi bashkë në mërgim dhe të marrim përgjegjësi, për gjetjrn e zgjidhjes së parandalimit të ekzodit që i ndodh vendit tonë.
Bashkë të realizojmë qëllimet programore, të cilat janë në shërbim të vendit tonë.

Edhe njëherë u falenderoj, për besimin e falur !
08/12Tetor, 2022
Zürich Arsim Saliu

/ms