Kërçovë: Kjo që ndodh në Ivandoll është racizëm..(VIDEO)

Sa herë që dëgjojnë se po vijnë makineritë ndërtuese, banorët e Ivanidollit në Kërçovë dalin dhe e bllokojnë rrunën, që punët të mos nisin.

Kanë 7 muaj që bëjnë rezistencë kundër ndërtimit të banesave sociale të dedikuara për kategoritë e rrezikuara sociale. Thonë se kryetari i Kërçovës, Fatmir Dehari, u ka thënë se ka hequr dorë nga projekti.

“Ne e dërguam diasporën në komunë, kryetari i Komunës na premtoi se do ta tërheqë projektin nëse ne jemi kundër ndërtimit të banesave sociale, më pas ishim të ftuar në bisedë tek komandanti edhe atje u kishin premtuar diasporës, fqinjëve tanë që janë 1<ëtu se projekti do të tërhiqet.

Por nga kjo ne fituam vetëm proces gjyqësor se gjoja së ne e kemi cenuar rendin dhe qetësinë publike”, pohoi Spase Damajnovski, banor protestues.

“Me makineri sërish, duan pa na lajmëruar erdhën, ne jemi mbledhur sërish. Ne nuk do të tërhiqemi, nuk do të lejojmë që të fillohet me punë për banesa të këtilla nga një bashkësi etnike. Në vend të këtyre banesave ne duam të ndërtohen fusha sporti, çerdhe, ne këtu s’kemi as spital as market”, pohoi Jovica Treneski, banor protestues.

Kryetari i Komunës Fatmir Dehari nuk deshi të prononcohet për pyetjen nëse vërtetë u ka premtuar banorëve se ka hequr dorë nga projekti.

Nga ana tjetër, nga kompania “Stento” e cila duhet të kryejë punimet i thanë TV21 se kjo që po ndodh në Kërçovë është racizëm.

“Ne jemi të angazhuar për ndërtimin e projektit dhe ne veprojmë në kuadër të kërkesave të investitorit. Ne vterësojmë se në shekullin 21 të kryhet racizëm në bazë të ndërtimit të banesave sociale është absurde dhe mos reagimi i institucioneve përkatëse dhe toleranca e veprimeve të këtilla për ne është me të vërtetë absurde”, thonë nga Stento.

Në pamundësi për të filluar punimet, nga kompania kur del në terren angazhon sigurim privat, ndërsa në çdo protestë e pranishme është edhe policia.

Banorët në vend të banesave sociale kërkojnë kushte më të mira për jetë si shkolla, çerdhe, spitale dhe rrugë, ndërsa janë të prerë në qëndrimin e tyre se nuk duan që komuniteti rom të jetojnë në lagjen e tyre.

VIDEO:

/tv21