Qira më të larta janë raportuar në gjithë Zvicrën..

Qiramarrësve zviceranë u është dashur të paguajnë 0.3 për qind më shumë për qiratë e reja në gusht sesa muajin e kaluar, tregojnë të dhënat e publikuara të hënën nga platforma e pasurive të paluajtshme Homegate, përcjell albinfo.ch.

Megjithëse rritja ndikoi në banesat në gjithë vendin, Gjeneva dhe Berna regjistruan rritjen më të lartë, përkatësisht me 1 për qind dhe 0.7 për qind.

Çmimet në Cyrih dhe Bazel, nga ana tjetër, mbetën relativisht të qëndrueshme në gusht, por u rritën ndjeshëm në krahasim me të njëjtën periudhë të vitit të kaluar: 5.6 për qind për Cyrihun dhe 2.9 për qind për Bazelin.

/Albinfo.ch