Çka po ndodh ! Nëndetëset bërthamore ruse lëshojnë raketa pranë kufirit me SHBA-të..

Nëndetëset ruse me energji bërthamore lëshuan këtë të premte raketa lundrimi në Arktik, si pjesë e stërvitjeve ushtarake për të testuar gatishmërinë e Moskës për një konflikt të mundshëm në ujërat veriore, tha Ministria e Mbrojtjes.

Stërvitjet ushtarake “Umka-2022” u zhvilluan në Detin Chukchi, një shtrirje lindore të oqeanit Arktik që ndan Rusinë nga Alaska.

Ministria ruse e mbrojtjes tha të premten se dy nëndetëse me energji bërthamore Omsk dhe Novosibirsk lëshuan raketa lundrimi kundër anijeve nga deti Chukchi, duke goditur objektivat në një distancë prej 250 miljesh.

Në fillim të këtij muaji Rusia zhvilloi stërvitje luftarake të në Lindjen e Largët Ruse me rreth 50,000 trupa që morën pjesë.

/infoshqip