Populli nuk ha bar… Nga Dr.Arbër Çeliku

Në politikë askush nuk është rastësisht. Secili ka një mision, nga shoferi e deri te lideri. Dhe, sado që dikush mund t’ju duket humbës, po aq rezulton të jetë fitues (gjithmonë për hesap të vet).

Varet nga ç’prizëm i shohim gjërat. Dhe, në rrethanat tona, ku secili ia bën gropën tjetrit, është e pamundur të rezistosh në politikë, e sidomos mbi dy dekada në pushtet, pa pasur paterica.

Në çdo periudhë kohore, kur opozita sa vinte e forcohej, dekadën e fundit ajo u thye disa herë. Dhe, jo rastësisht. Si rrjedhojë, pasojat do të jenë të mëdha, sepse do të marrë shumë kohë që gjërat të kthehen në pozicionin fillestar.

Dorëheqja është akt moral, por edhe përmbyllje misioni. Për disa, shpëtimi i lëkurës së vet ka më shumë vlerë se sa interesi kolektiv, mbarëpopullor.
Sidoqoftë, populli nuk ha bar, thotë një fjalë e urtë e jona, dhe me të drejtë…

/ac