Bekteshi: Qeveria do të shpallë krizë energjetike në gusht.. (VIDEO)

“Ne presim një dimër shumë të vështirë dhe të paparashikueshëm në aspektin energjetik, i cili nuk varet vetëm nga Maqedonia e Veriut apo vendet e rajonit, përkundrazi, varet nga mënyra se si do të zhvillohet situata me luftën në Ukrainë”, tha ministri I Ekonomisë Kreshnik Bekteshi.

Sipas ministrit nuk priten kufizime të energjisë elektrike, edhe nëse kemi ndalim të importit të energjisë elektrike dhe gazit në vend.

Ministry paralajmëroi se në muajin gusht do të kërkojnë sërish shpalljen e gjendjes së krizës në sektorin e energjisë elektrike për të pasur mundësi të ndërhyjmë përmes masave shtesë për rritjen e prodhimit të energjisë elektrike nga kapacitetet vendore.

“Do të kemi dimrin më të vështirë, situata është shumë e vështirë dhe e paparashikueshme jo vetëm në Maqedoninë e Veriut dhe vendet e rajonit, por edhe në varësi të asaj se si do të zhvillohet lufta në Ukrainë.

Ne jemi duke punuar në ofrimin e mënyrave alternative të furnizimit me energji, nëse kemi ndalim të plotë të importit të gazit në mënyrë që ngrohtoret dhe objektet industriale të funksionojnë. Në seksionin për burimet alternative, sipas ligjit, parashikohet edhe kalimi i tyre në një burim tjetër energjie, pra në mazut”.

Lidhur me furnizimin me gaz për sezonin e ardhshëm të ngrohjes, ministri Bekteshi potencoi se po bëhen përpjekje që të ketë burime alternative të furnizimit, duke qenë se Maqedonia e Veriut është plotësisht e varur nga gazi rus.

Ministri Bekteshi gjithashtu informoi se Banka Evropiane për Rindërtim dhe Zhvillim (BERZH) ka dhënë dje 100 milionë euro për likuiditetin e SH.A. EMV në mënyrë që gjatë vitit të ketë fonde për të blerë energji elektrike nëse ka mungesë dhe për të blerë qymyr dhe mazut për objektet e prodhimit vendas të energjisë elektrike.

Lidhur me paketën e masave kundër krizës që u njoftua, ministri Bekteshi informoi se Ministria e Financave është duke përgatitur një paketë të re masash, e cila do të fillojë të zbatohet në shtator dhe do të jetë e vlefshme deri në fund të vitit dhe do të jenë të destinuara për kategoritë më të rrezikuara të qytetarëve.

VIDEO:

/SHENJA/