Në klinikën Zhan Mitrev janë bërë eksperimente me njerëz të gjallë..? (VIDEO)

Një dokumentar hulumtues nga IRL dëshmon se si në Shkup janë bërë eksperimente me njerëz të gjallë të infektuar me koronavirus, ndërsa infeksionet brendaspitalore nuk janë raportuar tek autoritetet.

Hulumtimi ndjek rrugën dhe metodologjinë e funksionimit e njërës prej klinikave private më të paguar në vend, “Zhan Mitrev”.

Pacienti Nikolla Brezev, tashmë i ndjerë, ka qëndruar në këtë klinikë private. Sipas hulumtimit gjendja e tij kishte filluar të rëndohej kur mjeket i kanë bërë hemofiltrim, edhe atë pa marr leje nga familjarët.

“Në fillim ishte keq megjithatë çdo ditë ishte më mirë e më mirë dhe Covidi kaloi, në një moment ju përkeqësua gjendja. Kërkuam që t’i bënin hemokulturë dhe nuk na i tregonin rezultatin deri në një moment kur e kontaktuam doktor Tanja Gramosli dhe tha se bëhet fjalë për Stafilokokus aurus negative, konkretisht MRSA.

Dhe atëherë vendosën ta vendosin në hemofiltrim, na thanë se është më mirë, megjithatë pasqyra klinike nuk po tregonte të atë, kishte psevdomonas aeruginoza dhe enetekokus faecais. Këta janë baktere që vijnë si pasojë e infeksioneve brenda spitaleve, sepse ai në spital hyri i pastër. Atëherë ndodhi abdomen akut.”- tha Melita Brezeva.

Pas kësaj pacientin e kanë operuar pas çka ka pësuar infarkt. Ai nuk u zgjua më, thotë bashkëshortja e tij. Në klinikën Zhan Mitrev ai ka qëndruar 2 muaj dhe ka fituar 5 baktere të dëmshme në organizimin e tij. Sipas hulumtimit të IRL-së gjaku që i është vendosur pacientit nuk ka qenë i pastër me çka janë paraqitur disa baktere.

Për dokumentarin reaguan nga Klinika Zhan Mitrev. Nga atje informacionet e publikuara i quajnë tendencioze dhe të pa vërteta.
“Është e qartë se ky informacion i rremë është krijuar me qëllim të shtrembërimit të plotë të fakteve në lidhje me punën e suksesshme afatgjatë të Spitalit Klinik Zhan Mitrev, ku punojnë më shumë se 400 ekspertë dhe profesionistë nën udhëheqjen e Dr. Zhan Mitrev.

Kualifikimet e pavërteta të publikuara në media të caktuara këto ditë kanë për qëllim dëmtimin e qëllimshëm të nderit dhe reputacionit të Spitalit Klinik dhe nuk përputhen fare me të vërtetën”.- thonë nga spitali Zhan Mitrev.

Nga Prokuroria publike njoftojnë se tashmë kanë nisur hetimet dhe kanë hapur lëndën me emrin “Gjaku i papastër”.
Ndryshe hulumtimi bazohet në 24 raporte të qytetarëve nga Maqedonia e Veriut dhe Kosova, të cilat janë hetuar për gati dy vjet.

VIDEO:

/tv21