Kërçova përkujton gazetarin dhe publicistin Qani Mehmedin..(VIDEO)

“Pesë vjet pa gazetarin Qani Mehmedi”. Me këtë moto në Kërçovë u përkujtua gazetari i cili për 40 vite profesionin e tij e zhvilloi në Kosovë e Maqedoni, duke lënë prapa një kontribut të madh si gazetar e publicist.

Për të foli edhe kreu i BDI-së Ali Ahmeti, duke thënë se do ta mbajë mend si mik besnik dhe trim.
“Qaniu u dëshmua që është jo vetëm zë për publikun për të arsyetuar misionin por edhe trim.

Edhe këtë përshkrim dua ta bëjë para jush koleg tuaj. Sepse ju e dini vete sa trima keni qenë por e keni provuar veten se frikacak nuk jeni.”- deklaroi Ali Ahmeti, Kryetar I BDI-së

E bija e Qani Mehmedit, Besiana, kujtoi një frazë të babait: “Unë nuk do t’ju lë pasuri materiale por unë do t’ju lë shumë miq e dashamir me ju.”

“Unë nuk mund ta pranoj që babi nuk është në mesin tonë dhe jam e bindur që sonte na shikon sonte është i lumtur për praninë tuaj dhe për këtë kujtim që u bëhet nga Komuna e Kërçovës.”- deklaroi Besiana Mehmedi, e bija e Qani Mehmedit.

Qani Mehmedi u lind në vitin 1953 në Drogomisht të Vogël.
Pjesën më të madhe të profesionit si gazetar e publicist e ka ushtruar në Kosovë.

Ka punuar gazetar dhe redaktor në gazetat ”Bota e re “ dhe “Zëri i Rinisë”, redaktor i revistës “Dituria”, redaktor në Radio Televizionin e Prishtinës, në Radio Zagreb dhe në Radio Televizionin Shqiptar.

VIDEO:

/tv21