Von der Leyen: E ardhmja e vendit tuaj është në BE..

Presidentja e Komisionit Evropian, Ursula von der Leyen, tha sot në Kuvendin e Maqedonisë se me konferencën e parë ndërqeveritare, e cila duhet të mbahet së shpejti nëse Maqedonia e Veriut pranon propozimin francez, “menjëherë do të fillojnë negociatat konkrete dhe procesi i shqyrtimit”.

Von der Leyen tha se me fillimin e negociatave për anëtarësim në BE-në, do të fillojë sa më shpejt nënshkrimi i marrëveshjeve dypalëshe ndërmjet Maqedonisë së Veriut dhe BE-së në gjuhën maqedonase dhe në gjuhët e tjera zyrtare të Unionit.

Sipas saj, pranimi i propozimit francez do të mundësojë zhbllokimin e integrimeve evropiane dhe hapjen e fazës së parë të negociatave për anëtarësim, që do të paraqesë një impuls pozitiv për procesin e reformave dhe përparimin e Maqedonisë së Veriut.

Kreu i KE-së iu drejtua deputetëve para fillimit të seancës në të cilën do të shqyrtohet propozimi për kornizën negociuese për negociatat e anëtarësimit që presidenca franceze me Bashkimin ia propozoi Këshillit të BE-së më 30 qershor, pra i ashtuquajturi propozim francez për heqjen e vetos bullgare.
Gjatë fjalimit të saj disa nga deputetët mbajtën mesazhe kundër propozimit francez

/tv21