Kërçovë Banorët e Ivanidollit vazhdojnë protestat, nuk lejojnë ndërtesë të re.. (VIDEO)

Pas incidentit të djeshëm të sigurimit me banorët e lagjes Ivanidoll, të njëjtët sot që në orët e para të mëngjesit bllokuan rrugën e lagjes, duke vazhduar të protestojnë kundër ndërtimit të banesave sociale.

Më 29 qershor banorët janë takuar me kryetarin e Komunës së Kërçovës Fatmir Deharin i cili ju ka premtuar se nuk do të vazhdojnë me punimet në këtë lagje, derisa të gjendet një zgjidhje.

Por këtë premtim e ka shkelur dje pronari kompanisë ndërtuese. I njëjti dje me 50 persona sigurim personal është paraqitur në lagje për të filluar punimet me çka ka pasur edhe incidente mes banorëve dhe sigurimit. Siç thonë banorët sigurimi i kompanisë ka hyrë nëpër oborret e shtëpisë dhe ka të lënduar edhe njerëz.

“Ishim dëshmitarë të një skenari të rëndë me dhunë, nga ana e kompanisë ndërtuese të këtij projekti për ndërtimin e banesave sociale, Stento Manastir, në këtë rast më pak janë fajtor njerëzit të cilën dje ishin si sigurim personal me qëllim të frikësimit të njerëzve, hyrjen nëpër prona private dhe rrahjen e komshinjve tanë”

“Protesta deri më tani është e qetë dhe mendoj se edhe me tej do të jetë e qetë sepse nuk kemi nevojë për agresivitet. Edhe protesta e parë që ishte e qetë dhe derisa të zgjidhjet problemi do të dalim në numër sa më të madh”

“Ne i kemi thënë kryetarit edhe kompanisë ndërtuese Stento se këtu nuk mund të ndërtohen banesa sociale, sepse këtu askush nuk ka ardhur të bëjë anketë dhe t’i pyesin qytetarët a duan të ndërtohen banesa sociale”.

Ata thonë se do të vazhdojnë të protestojnë dhe nuk do të heqin dorë derisa të ndalohet ndërtimi i banesave sociale dedikuar komunitetit rom dhe familjeve të rrezikuara sociale.

VIDEO:

/tv21