Ministri Bekteshi apel qytetarëve: Kurseni..
TE MOS I SHMANGEMI PËRGJEGJESISE GJATË KRIZËS, KURSE NE KUSHTE NORMALE TE KERKOJME VETËM BUXHET NGA PUSHTETI QENDROR!
Para disa muajsh, më saktësisht gjashtë muaj më parë, kishim krizë të madhe për shkak të çmimit të gazit, i cili rritej jashtëzakonisht shumë në bursat botërore dhe ekzistonte rreziku që qytetarët e Shkupit të mbeten pa ngrohje qendrore.
Derisa Qeveria përpiqej të gjejë mënyrën më të mirë të mundshme për zgjidhjen e problemit me energjinë termike, dhe për këtë qytetarët të kenë më së paku dëmë, Qyteti i Shkupit dhe kryetarja Danela Arsovska dhe VMRO-DPMNE dolën menjëherë dhe thanë se kanë zgjidhje si të zgjidhet problemi i furnizimit të pandërprerë me energji termike.
Kemi arritur edhe atë me sukses ta menaxhojmë krizën në afat të shkurtër. Dhe jo vetëm që nuk ka patur ndërprerje në dërgesat e ngrohjes qendrore për qytetarët e Shkupit, por gjithashtu nuk ka pasur as rritje të çmimit, përkatësisht të faturave të ngrohjes për qytetarët.
Por çfarë po ndodh tani? Në kushtet kur nevojitet zgjidhje afatgjatë për menaxhim me ngrohjen qendrore në Qytet, ndërkaq, kemi kohë deri në mes të tetorit, kur fillon sezoni i ri i ngrohjes, të gjejmë zgjidhje, kryetarja e Shkupit Arsovska së bashku me VMRO-DPMNE-nëdhe Aleancën, të cilët gjashtë muaj më parë, dolën të parët me “zgjidhje” për ngrohjen qendrore, tani po ikin nga përgjegjësia që kanë me ligj, si pushtet lokal.
Madje për më tepër, ata pranojnë se nuk kanë as kapacitet e as vullnet për t’u përballur me këtë situatë. Duam t’i sigurojmë qytetarët e Shkupit, se edhe përkundër papërgjegjshmërisë së kryetares së Qytetit, qytetarët e Shkupit dhe të gjithë qytetarët, të jenë të qetë sepse me kohë po ndërmarrim të gjitha masat e nevojshme për sigurimin e furnizimit të pandërprerë dhe të vazhdueshëm me ngrohje qendrore dhe energji elektrike, në kushte të krizës ekonomike botërore.
/ina
