Kërçovë: Rikonstruktimi i rrugës nisi, por nuk vazhdoi..(VIDEO)
E gërryer tërësisht! Pluhur dhe gropa! Në këtë gjendje është rruga “Boris Kidriç” në Kërçovë për gati një vit! Është tejet e frekuentuar, ndërsa këtu ndodhet edhe ndërtesa e Komunës.
“Ndodhemi në rrugën “Boris Kidriç” në Kërçovë, punimet në këtë rrugë kanë filluar prej më shumë se një viti vetëm u gërrye u hapën disa kanale dhe u la si e tillë, prej atëherë deri më tani nuk është prekur asgjë, kryetari i Komunës premtoi se do ta ndërtoj në fillim të vitit 2022 por siç po shihet gjendja e rrugës vazhdon të mbete e njëjte”.
E më të prekur nga kjo situatë janë bizneset e vogla rreth rrugës. Janë të revoltuar, por refuzojnë të flasin para kamerës, nga frika se mos të nesërmen inspektorët u trokasin në derë të dyqaneve.
“Janë tërhequr paratë e kryetarin po punon në tjetër vend atje janë paratë, i hoqën ata barakat dhe këtu qëndron problem.
A mundet një intervistë?
Jo, jo”.
Nuk është bërë!
Çfarë ju thonë kur do të rregullohet?
A mundet një intervistë para kamerës?
Jo, çfarë intervistë para kamerës!
Një pronar dyqani na tregoi se është detyruar ta mbyllë për shkak se pluhuri ia dëmtonte frutat dhe perimet.
“Dyqanin e kam mbyllur 100% nga kjo punë, i prishën kioskat e vjetra asgjë nuk u bë, kanalizim për ujërat e zeza duhej të bëhej asgjë nuk u bë, rrugën e kanë bërë katastrofë, ja në çfarë kushtet po punojmë, ka pluhur unë punoj më pemë dhe perime nuk punoj me hekur po të mund të punoj këtu që do të thotë se 99.9% unë jam në humbje a pagesat për firmën më vijnë, energjia nuk është ndërpre edhe qira po paguaj”.
Më 27 qershor të vitit të kaluar, kryetari i Komunsë, Fatmir Dehari në profilin e tij në Facebook i lajmëroi fillimet e punimeve duke e cilësuar si një projekt madhorë, ku do të ndërtohet kanalizim, shteg për biçikleta, rrethrrotullim dhe do të asfaltohet.
Në nëntor gjatë marrjes së mandatit ai sërish premtoi vazhdimin punimeve, por edhe pse ka kaluar një vit, kjo rrugë vazhdon të mbetet e gërryer dhe e shkatërruar. Për arsyet e vonesave e pyetëm kryetarin e komunës, por nuk kishte qëndrim për këtë rrugë.
VIDEO:
/tv21
