Zvicër rritet për 60% numri i dëbimeve për shkelësit e huaj..

Ka shumë pabarazi ndërmjet kantoneve për deportimin e kriminelëve të huaj.
Gjatë tre vjetëve të fundit, shkalla e dëbimit për shkelësit e huaj ka qenë mesatarisht rreth 60 për qind, sipas të dhënave zyrtare, njofton albinfo.ch.

Megjithatë, kjo shifër ndryshon shumë nga një kanton në tjetrin.
Gjeneva, për shembull, dëbon numrin më të madh të të huajve kriminelë (77 për qind), sepse “popullsia e delikuentëve përbëhet kryesisht nga njerëz që nuk kanë lidhje me Zvicrën”, sipas Prokurorit të Përgjithshëm të kantonit. Olivier Jornot.

Në Neuchâtel, nga ana tjetër, vetëm 26.7 për qind e të dënuarve janë përjashtuar pasi “është detyra jonë ta zbatojmë këtë ligj me moderim”, tha Prokurori i Përgjithshëm, Pierre Aubert.
Ai shtoi se dëbimi duhet të bëhet kur kriminelët e huaj vijnë nga një vend që nuk i merr mbrapsht shtetasit e tij.

Megjithatë, dallimet kantonale në dëbim mund të zbehen së shpejti, pasi Parlamenti ka miratuar një mocion që kërkon të zvogëlojë fleksibilitetin që kanë prokurorët kantonalë në këtë çështje.

Legjislacioni, i miratuar në një referendum dhe i prezantuar në vitin 2016, përcakton se dëbimi nga Zvicra zbatohet për të huajt që kanë kryer krime të rënda që kërkojnë të paktën një dënim me tre vjet burgim, duke përfshirë vrasje, përdhunim, sulme të rënda seksuale, akte të dhunshme, grabitje me armë, trafikim me drogë dhe trafikimin e njerëzve, si dhe abuzimin me sistemin zviceran të sigurimeve shoqërore.

/albinfo