Maqedoni çdo shtëpi me tableta nervash..!

ondi i Sigurimit Shëndetësore ka vërejtur rritje të jashtëzakonshme të përdorimit të barnave kundër ankthit, shqetësimit, frikës, depresionit, nervozizmit dhe situatave të tjera stresuese.

Çdo ditë e më shumë përdorimi i barnave qetësues dhe anksiolitikët dhe antidepresivë si diazepamit, janë në rritje nga qytetarët e vendit tonë.

Mjekët paralajmërojnë se përdorimi i tepërt i tyre sjellë rrezik, ndërsa nga ana tjetër për to shpenzohen miliona euro nga buxheti.

Barnat janë të nevojshme në kohë krize, por nuk duhen të jenë zgjidhja e vetme. Fraza më e dëgjuar në vendin tonë është “merr një diazepam për t’u qetësuar”. Barnat nga grupi i anksiolitikët, duke përfshirë edhe Helex ose Lexilium, përdoren në shumë familje në vendin tonë.

Përdorimi i tyre ka rritur shqetësimin e mjekëve dhe ekspertëve të fushës. Sipas të dhënave të publikuara nga Fondi i Sigurimit Shëndetësor (FSSH) vetëm vitin e kaluar janë dhënë mbi 2.4 milionë receta për anksiolitikët në kujdesin parësor shëndetësor, që është më shumë se numri i banorëve në vend. Kësaj nëse i shtojmë edhe barnat që blihen pa receta, situata bëhet alarmante.

Anksiolitikët përdoren kryesisht për të trajtuar ankthin, nervozen, depresionin, ndërsa disa prej tyre kanë një efekt qetësues. Statistikat e FSSH-së, tregojnë se barnat që reagojnë në sistemin nervor qendror janë ndër tre grupet e barnave më të përdorura në vendin tonë, së bashku me ato për tretje dhe barnat e zemrës. Pavarësisht njoftimeve për uljen e përdorimit të tyre nga ekspertët, kjo dukuri ende nuk ulet ndër vite.

Diazepami është padyshim anksiolitikët më i përdorur – barna për qetësimin e ankthit te qytetarët e Maqedonisë. Kështu, vitin e kaluar janë lëshuar 1.4 milionë receta, që është numri më i madh në pesë vitet e fundit. Vetëm për ta nga buxheti janë shpenzuar mbi 450 mijë euro.

Ka një rritje të vazhdueshme të numrit të recetave për bromazepam të njohur si Lexilium, por edhe për alprazolamet, më e famshmja prej të cilave është marka Helex, për të cilën u ndanë më afër 300 mijë euro. Ekspertët dhe mjekët nuk e mohojnë trajtimin me medikamentoz, por ata thonë se është përgjegjës që kushdo që ka probleme me shëndetin mendor të kërkojë ndihmë profesionale te psikologu apo psikiatri.

Profesori dhe drejtori i Klinikës së Psikiatrisë, Stojan Bajraktarov, thotë se përdorimi i tepërt i këtyre barnave ka kohë që është praktikë jo vetëm në vendin tonë, por në të gjithë vendet e Ballkanit dhe më gjerë.

“Shihet në numrin e recetave të ndarë nga Fondi i Sigurimit Shëndetësor (FSSH), se këto barna përdoren në masë të madhe në vendin tonë. Këto janë ilaçe që duhet të merren maksimumi tre muaj, por kemi qenë dëshmitarë se janë dhënë pacienteve me vite, merren në radhë të parë për ankth, por edhe si qetësues gjumi.

Kështu që ne duhet të punojmë të gjithë së bashku për ta ndaluar këtë praktikë”, u shpreh Bajraktarov. Ai beson se edhe në kohë krize duhet pasur kujdes mos të drejtohemi drejtë barnave sepse rreziku është i madh. “Përdorimi i barnave anksiolitikët krijon një varësi, një drogë klasike që nuk e zgjidh problemin, por vetëm e maskon për një kohë të shkurtër.

Pastaj njerëzit sillen më shumë si të varur nga ata barna dhe mezi presin ta marrin për të fjetur, kështu kur nuk e përdorin njërën nga ata anksiolitikët, njerëzit janë të mërzitur dhe mezi presin të marrin dhe vazhdimisht mendojnë vetëm për atë. Tashmë nuk është shërim, por është një varësi që nëse është më e theksuar duhet të trajtohet”, paralajmëron Bajraktarov.

Ndryshe, krahas këtyre barnave po rritet edhe përdorimi i antidepresantëve, një grup i veçantë i barnave që përdoren për trajtimin e depresionit, si një nga çrregullimet mendore. Është vlerësuar se deri në vitin 2030, depresioni do të jetë një faktor kryesor në barrën e sëmundjeve në nivel global.

/koha.mk