Fatmir Limani zgjidhet nënkryetar i Lëvizjes Besa..

Sot, me datë 31.05.2022, kryesia qendrore e Lëvizjes BESA mbajti mbledhjen e saj të parë ku u zgjodhën organet e partisë duke filluar nga nënkryetarët, sekretarin gjeneral si dhe zëdhënësin e partise.

Me shumicë votash kryesia qendrore për nënkryetar zgjodhi, Fatmir Limanin, Blerim Sejdiun dhe Besa Kadriun. Po ashtu, sekretar gjeneral u zgjodh Abdush Demiri, ndërsa zëdhënës i partisë u zgjodh Faruk Avdiu.

Gjithashtu, në këtë mbledhje u diskutua edhe mbi situatën politike në vend dhe se cilat veprime duhet të merren më tej. Lëvizja BESA konsideron se zgjedhjet e parakohshme parlamentare janë opsioni i duhur pasi qeveria aktuale nuk ka kredibilitet për të udhëhequr me të ardhmen e vendit dhe se vendi duhet të shkoj sa më parë në zgjedhje parlamentare.

Gjithashtu edhe Fatmir Limani u deklarua në facebook reth këtij posti.
NDER DHE PËRBETIM ME PËRKUSHTIM !
I propozuar nga Kryetari Bilall Kasami dhe vendim të Kryesisë Qendrore të Lëvizjes BESA, zgjidhem Nënkryetar i Lëvizjes BESA.

Vendimi i këtillë paraqet nder, përgjegjësi dhe detyrim deri në vetëmohim, për të realizuar pritshmërit e të gjithë atyre që i besojnë kauzës tonë.
Do të bashkëveproj me të gjithë anëtarët, strukturat dhe me përkushtim, për të promovuar dhe realizuar politikat e Lëvizjes BESA, të cilat lidhen ngushtë me interesave kombëtare të shqiptarëve në këtë vend.

Rinia dhe e ardhmja e ndritur e Tyre, mbi të gjitha qëllimet në jetë.
U falenderoj, për besimin.
#BesëlidhjaPërVendlindjen

/ms