Kërçovë: Ministrat vazhdojnë të fotografohen tek spitali i pandërtuar.. (FOTO)

Ministri i Shëndetësisë Bekim Sali, sot ka vizituar objektin e ri të spitalit të Kërçovës i cili prej me shumë se 30 vitesh po ndërtohet, bashkë me kryetarin e Komunës së Kërçovës Fatmir Deharin.

Për këtë nuk janë njoftuar as mediat, e sipas informacioneve që posedojmë drejtoria e spitalit të Kërçovës është njoftuar 10 minuta përpara se ministri të arrinte dhe nuk ka marrë pjesë për shkak angazhime të planifikuara para kohe.

Mbetet e paqartë dhe e dyshimt kjo vizitë e ministrit të vizitojë spitalin thjeshtë për t’u fotografuar si gjithë funksionarët e tjerë apo u frikësua nga mediat se do t’i parashtronin pyetje për të cilat nodoshta nuk ka përgjigje për një spital i cili po i afrohet rekordit botëror për ndërtimin më të gjatë në histori.

Pas takimit Fatmir Dehari ka publikuar disa fotografi dhe një mbishkrim në të cilin nuk sqarohet asgjë konkrete për këtë spital rekordesh.
“Sot prita Ministrin e Shëndetësisë Bekim Sali, ku diskutuam nga afër për disa tema e në veçanti për zhvillimin e punimeve në spitalin e Kërçovës si një nga shqetësimet kryesore për ne dhe i qytetarëve tanë.

Vizituam edhe objektin e spitalit në ndërtim e sipër dhe u njoftuam për problemet që kërkojnë zgjidhje!
Vullneti i madh i Ministrit më inkurajoi për shpresë që ky objekt vital i qytetit tonë do të marr zgjidhje përfundimtare!
Nga ana ime ju ofrua çdo mbështetje e nevojshme, qoftë ajo edhe jashtë kopetencave tona komunale që ky objekt të vendoset në përdorim!” shkruan Dehari

FOTO:

/tv21