Nata e Kadrit në xhaminë e fshatit Zajaz Çelikaj..(FOTO)

Myftinia e Kërçovës, në bashkëpunim me Këshillin dhe Imamin e Xhamisë së fshatit Zajaz Çelikaj, realizoi programin e begatë për hir të Natës së Madhe të Kadrit.

Mbrëmë, në një ambient të jashtëzakonshëm, me plot të rinj nga të gjitha vendbanimet, u realizua Manifestimi Qëndror i Myftinisë së Kërçovës për hir të Natës së Kadrit.

Programi u hap me leximin e Ajeteve Kuranore, nga i ftuari ynë o zgjedhur, lexues dhe garues në leximin e Kuranit fisnik, me përmasa botërore, mr. Elyesa ef. Asani, pas tij, me një ilahi, freskoi dëgjimin tonë anëtari i Korit të Myftinisë AbdulKadar Bobeski. Më pas kryetari i këshillit të Xhamisë z. Adem Çeliku i përshëndeti të pranishmit dhe ju dëshiroi mirëseardhje.

Fjalë rasti dhe përshëndetëse kishte Myftiu i Kërçovës Qamil ef. Rushiti, i cili përshëndeti të pranishmit dhe uroi Këshillin e Xhamisë për përpikshmërinë dhe kontributin e dhënë.
Myftiu i Kërçovës, ndau mirënjohje për Këshillin e Xhamisë dhe anëtarin e palodhur z. Islam Mehmedi, ndërkaq Këshilli ndau mirënjohje për lexuesin, ligjeruesin, kryetarin e Komunës dhe shumë dontator dhe mbështetës të aktivitetit.

Pas fjalës përshëndetëse, me ligjeratën e tij rreth vlerës së Natës së Kadrit, na nderoi prof. Imer Alili, i cili ndër të tjera theksoi se kjo natë është moment i kthimeve të mëdha për t’u nderuar krijesa e dashur e Zotit xh.sh. – njeriu.

Pas ligjeratës, mr. Elyesa ef. Asani freskoi zemrat e besimtarëve me ilahije dhe Kaside, dhe më pas filloi edhe falja e namazit të Natës.
Pas përfundimit të namazit, për të gjithë të pranishmit, rreth 400 persona, u shtrua syfyr në oborrin e Xhamisë së Fshatit.

Allahu i Madhrishëm i shpërbleftë për mundin dhe sakrificën.
28.04.2022
Kërçovë
Zyra për informim,
Myftinia e Kërçovës

FOTO:

/ms