Kërçovë: Çerdhet ndërpresin grevën..! (VIDEO)

Gjumi i mesditës fëmijët i zuri në çerdhe..Vendimi i djeshëm i SAShK-ut ndërpreu grevat nëpër kopshtet e fëmijëve.

Ata që i ka rënduar më shumë mosfunksionimi i çerdheve sa zgjati greva ishin prindërit, pohon për TV21 edukatorja e çerdhes së Kërçovës Arlinda Shajini.

“Po sot filluam me punë, ashtu si të gjitha kopshtet e tjera, prindërit më kënaqësi e pranuan këtë vendim pasi që punojnë dhe nuk ka se kush të kujdeset për fëmijët e tyre” tha edukatorja Arlinda Shajini.

Drejtori i Kopshtit të fëmijëve në Kërçovës Sadik Ahmeti tha se vendimi për rikthim në punë u mirëprit edhe nga vetë punëtorët.
“Sot filluam me punë në bazë të vendimit të cilin e morën ministria për Punë dhe Politikë Sociale dhe SASHKU të cilët gjetën një marrëveshje me anë të 12% rritjes së rrogës së punëtorëve të cilën ne e përshëndesim si udhëheqësi”, tha Sadik Ahmeti, drejtor i Kopshtit të fëmijëve në Kërçov.

Kjo çerdhe, e vetmja në Kërçovë, u detyruara që edhe në kohë greve të punojë por vetëm për disa fëmijë, prindërit e të cilëve janë në punë dhe nuk kishin se ku t’i dërgonin fëmijët, andaj gjetën gjuhë të përbashkët.

“Ata prindër të cilët nuk kishin rrugëdalje tjetër ne e kemi bërë pranimin e tyre d.m.th. çerdhja nuk i ka mbyllur dyert për prindër të cilët nuk kanë pasur asnjë rrugëdalje, mirëpo ka qenë një numër shumë i vogël i fëmijëve të cilët kanë ardhur në kohë greve”, shtoi Ahmeti.

Greva nëpër shkolla dhe çerdhe ka filluar më 11 prill. Çerdhet rinisëm me punë sot, gjersa në shkollat fillore dhe të mesme greva vazhdon, deri në gjetjen e një ujdie mes SHAShK-ut dhe Qeverisë për rritjen e rrogave.

VIDEO:

/tv21