Lazov: Mbjellni fushat me luledielli nese nuk doni krizë për vaj..

“Çmimi i vajit do të jetë ndërmjet 2.20 — 2.40 euro ose maksimumi 2.50 euro dhe ky çmim do të ngelet sidomos edhe pas festave”, tha sot drejtori i përgjithshëm i fabrikës “Blagoj Gjorev” në Veles, Goran Lazov.

Sipas tij, në markete do të ketë edhe vaj gatimi të mjaftueshëm dhe se qytetarët nuk duhet të frikësohen e as të blejnë më shumë për të grumbulluar stoqe, përcjell INA.

“Nuk pres rritje çmimesh. Pas festës çmimi do të stabilizohet dhe tregjet do të jenë plotë me vaj gatimi. Nuk ka nevojë që qytetarët të grumbullojnë sasi të mëdha, sepse vaj do të ketë mjaftueshme në treg'”, tha Lazov pas takimit me ministrat e Ekonomisë dhe Bujqësisë, Kreshnik Bekteshi dhe Ljupço Nikolovski, të cilët vizituan fabrikën.

Duke krahasuar çmimin me vendet tjera, Lazov shtoi se në Bullgari çmimi i naftës është 180 denarë ose gjashtë leva, ndërsa në Greqi rreth katër euro. Lazov shprehu shpresë se luledielli do të kthehet në zonat bujqësore të Maqedonisë.

“Dikur prodhonim rreth 40 mijë tonë luledielli, ndërsa vitin e kaluar kemi blerë më pak se 4 mijë tonë. Kjo është vetëm 10 për qind e asaj që kemi pasur si shtet”, nënvizoi Lazov. Kapaciteti vjetor i fabrikës “Blagoj Gjorev” është 40.000 ton luledielli, dhe mund të magazinohen 16.000 ton vaj bruto.

“Nëse rriten sipërfaqet do të blejmë të gjithë prodhimin, nuk do të lëmë asnjë kokërr pa blerë”, tha Lazov. Më herët ministrat siguruan se ka naftë por edhe lëndë të parë.

/(INA)