Do të diskutohet heqja e certifikatës në kufijtë e Maqedonisë..

Të hiqet posedimi i detyrueshëm i certifikatës për vaksinim ose tejkalimi i COVID-19 për hyrje në vend, këto propozime do t’i diskutojë Komisioni për sëmundje infektive këtë javë.

Për momentin, certifikata mbetet e vlefshme për hyrjen në një pjesë të mbyllur të objekteve hotelierike, sepse Komisioni vlerëson se është i nevojshëm një lehtësim gradual i kufizimeve.

“Lehtësimi i masave restriktive po vijojnë me tempon e duhur, varësisht nga gjendja epidemiologjike në vend. Propozimi i ri është lehtësimi i masës për të hyrë në vend pa certifikatë vaksinimi. Kjo duhet të shqyrtohet dhe pastaj miratohet nga Qeveria”, thonë nga KSI.

Në seancën e qeverisë javën e kaluar u miratua masa për heqjen e maskave në ambiente të mbyllura, me përjashtim të objekteve shëndetësore, barnatoreve, transportit publik, shtëpive të të moshuarve dhe institucioneve të kujdesit për personat me aftësi të kufizuar.

/lajmpress