Kërçova vendi ku mendohet se mund të vijnë investitorë të huaj.. (VIDEO)

Karvani i korit diplomatik ekonomik vazhdon vizitat nëpër zonat e lira ekonomike.
E gjithë kjo vjen si nevojë për investime të huaja në vendin tonë dhe hapjen e vendeve të reja të punës.

Diplomatët interesoheshin për zonat ekonomike dhe shihnin mundësitë e investimeve të mundshme në disa komuna.

Zëvendësministrja për punë të Jashtme Fatmire Isaku tha se prezantojmë rajonet ku mendojmë se është e arsyeshme për investime.

“Duke filluar nga Komuna e Kërçovës do të vazhdojmë me komunën e Ohrit dhe Strugës duke i prezantuar rajonet ku mund të bëhen investime të huaja, normalisht do të kemi kompani të cilat do të bëjnë prezantimin e kompanive të tyre përpara korit diplomatik të cilët prezantojnë vende të ndryshme në RMV”.

Drejtori i Byrosë për Zhvillim Rajonal, Ramiz Rexhepi, tha se fryti i këtyre vizitave pritet që të duket pas një viti.

“Mendoj se efekti i këtyre vizitave do të shihet shumë shpejtë, në bazë të krizës ekonomike të cilën e kemi jo vetëm ne si shtet por në nivel global, mendoj se efekti maksimalisht të jetë pas një viti”

Kryetari i Kërçovës, Fatmir Dehari, u shpreh i gatshëm për mikpritjen e investimeve të huaja duke ju treguar nevojat e këtij qyteti.
“Në mënyrë më të detajuar nga ky takim pastaj edhe në rastin konkret, vizitën e zonës ekonomike, ofrojmë dhe ju tregojmë mundësitë për investim në qytetin tonë”.

Kori diplomatik i kryesuar edhe nga disa ambasadorë do të qëndroj në 7 komuna të vendit për t’i parë nga afër zonat ekonomike, investimet e deritanishme dhe investimet e jashtme që mund të vijnë në të ardhmen në këto komuna.

VIDEO:

/tv21