Reagim me shkrim ndaj deklaratës së kryetarit të Komunës së Kërçoyës dhënë për TV21.. (FOTO)
Bashkësia lokale e fshatit Garanë-Strellcë ka funksionuar me vite dhe çdo herë përzgjedhjen e saj e kanë bërë vetë banorët me vullnet të lirë, pa ndikime nga jashtë dhe ka qenë për t’i shërbyer fshatit dhe jo subjekteve politike.
Më vitin 2002 fshati Garanë-Strellcë ka qenë i pari që organizoi dhe mirëpriti subjektin politik të dalë nga lufta dhe nga ajo kohë fshati ynë ka patur qëndrim konstruktiv ndaj çdo subjekti politik dhe bashkpunim me çdo kryetar komune me qëllim të mirë për fshatin dhe banorët dhe çdo herë u ka pri gjërave që kanë qenë qoftë për t’i ndihmuar banorët apo për t’i mbrojtë nga dikush që i dëmton ose mundohet t’i keqpërdori në emër të fshatit për përfitime personale.
Ju kujtojmë kryetar se ne si bashkësi lokale kemi qenë gjithëmonë kundër hudhjes së mbeturinave në TEC Osllome dhe në vitin 2020 na detyruat që ta dëshmojmë këtë edhe me daljen në rrugë të përkrahur masovikisht pa dallim përkatsie politike, pas së cilës pasoi marrveshja dhe vazhdojmë të qëndrojmë po të njejtit banor, e njejta kryesi si në vitin 2020 kundër kësaj katastrofe, pavarsisht se për Ju atëher nuk ishte e politizuar BL Garanë-Strellcë, ndërsa tash shpif dhe gënjen thua që BL i ngjan më tepër subjektit politik opozitar, sesa këshillit të bashkësisë lokale.
Ua bëjmë me dije seJu prej fshatit tonë dhe banorëve keni qenë i mbështetur pa rezervë katër mandate si kryetar komune, ku mandatin e fundit e morrët duke u thirrur në agjendën e gjelbërt kurse me veprimet që bëni dëshmoni të kundërtën. Kryetar!?
Që kur kërkesat për infrastrukturë më të mirë, ruajtje të hapsirave të gjelbërta e të mjedisit, kundërshtim ndaj deponive të egra, rrugë pa gropa e të asfaltuara, ndriçim publik edhe shumë kërkesa jetësore të banorëve të këtyre anëve Ju do i cilësoni si kërkesa politike? Kryetarl Nëse këto janë kërkesa politike ne si BL Garanë-Strellcë do vazhdojmë t’i kërkojmë dhe do insistojmë në realizimin e tyre.
Për këtë që themi se të gjithë janë kundër hudhjes së mbeturinave në gropat e xeherores Tec Osllome dëshmon edhe përgjigjja me shkrim nga ana e drejtorëve të këtij kombinati dhe se me vendim të këshillit drejtues të të njejtit me numër 02-855/138/5 ndalohet hudhja e mbeturinave në këto hapsira.
E gjithë kjo jo për inate apo kundërshtime, por për mbrojtjen e mjedisit jetësor dhe fëmijëve tanë. Sikur nuk na mjaftojnë të këqiat nga tymi i oxhakut të Osllomesë, një helm dhe kancer për mushkëritë e këtyre banorëve, poashtu degradimi i tokës, ndotja e ujrave sipërfaqësor dhe nëntokësor, dëmtimi dhe shkatërrimi i rrugëve dhe mbingarkesa e komunikacionit nga kamionat që transportojnë qymyrin, tani mbetet edhe hudhja e mbeturinave për të krijuar geto në shekullin XXI në viset shqiptare.
Ne si kryesi kemi marrë obligim dhe përgjegjësi të mbrojmë dhe avansojmë interesat dhe mirqenien e banorëve pa dallim ngjyre politike, prandaj ua bëjmë me dije se pavarsisht se si na etiketoni Ju neve, ne si kryesi do vazhdojmë të përkrahim çdo gjë që është e mirë dhe në interes të fshatit dhe do të kundërshtojmë me këmbngulje çdo gjë që është e dëmshme-pa nënshtrim
FOTO:
/ms
