Shiqptarja Merita kurrë më nuk do të udhëtojë me kompaninë austriake.. Ja pse..
Në fund të korrikut të kaluar, Merita (22) kishte rezervuar biletë avioni për në Kosovë. Ajo nuk ka mundur ta shfrytëzojë shkuarjen me avion dhe për kthim është dashur të paguajë 125 euro shtesë
Për shtatë vite Merita 22-vjeçare kishte një lidhje në distancë me të fejuarin e saj nga Kosova. Për këtë, shqiptarja nga Austria e Epërme çdo muaj fluturonte për në Prishtinë nëpërmjet Vjenës.
“Kam shpenzuar 200 deri në 500 euro në muaj për biletat e avionit”, ka thënë Merita në bisedë me Redaksinë e gazetës “Heute”. Për shumë vite ajo i qëndroi besnike linjës austriake Austrian Airlines.
Papritmas ajo sëmuret, familja e mori me vete
Në fund të korrikut 2021, 22-vjeçarja përsëri ka dashur të shkojë në Kosovë. Si zakonisht, ajo bleu biletën në dy drtejtime përnjëherë. Pak para nisjes së saj, shqiptarja e re sëmuret dhe për këtë arsye vendosi të mos merrte fluturimin për shkuarje. Kur pak ditë më vonë shëndeti i saj u përmirësua, ajo vendosi të shkonte në Kosovë me veturë me familjen e saj.
Bileta u anulua edhe pse ishte paguar
Kur ajo deshi të fillonte udhëtimin e saj për në shtëpi me fluturimin e kthimit që kishte rezervuar më herët, në aeroportin e Prishtinës ajo u befasua shumë: Austrian Airlines e kishte anuluar fluturimin e saj të kthimit për në Vjenë, sepse ajo nuk përdori fluturimin e shkuarjes. Askush nuk më njoftoi për anulimin”, tha 22-vjeçarja, transmeton portali Shtegu. Për të mundur të fluturojë, ajo është dashur të paguajë 125 euro për një biletë të re. Merita ishte nevrikosur pa masë.
Përgjigja e AUA erdhi vetëm pas dy muajsh
Më pas ajo kontaktoi shërbimin për klientë të AUA dhe shkroi disa ankesa përmes emailit. U deshën muaj për të marrë një përgjigje. “Si kliente besnike prej shumë vitesh, nuk më kanë kërkuar as falje, as kod zbritjeje, më kanë thënë vetëm se është faji im dhe se këto janë rregulloret e linjës ajrore”, është shprehur e zemëruar Merita në intervistën për “Heute”.
“Supozimi se ai person nuk do të vijë”
“Heute” i kërkoi ekipit të shtypit të Austrian Airlines të zbulonte se pse fluturimi i Meritës thjesht u anulua. “Ne bëjmë sekuencën e fluturimeve automatikisht. Nëse rezervoni fluturimin e kthimit dhe nuk merrni fluturimin në dalje, fluturimi i kthimit anulohet automatikisht.
Megjithatë, nëse na informoni paraprakisht dhe na shpjegoni situatën, ne mund të bëjmë përjashtime”, sipas një zëdhënëse të linjës ajrore. AUA i vjen keq që 22-vjeçares iu është dashur të priste dy muaj për një përgjigje nga shërbimi ndaj klientit.
Ndërkohë, Merita nuk është më e detyruar të vizitojë partnerin e saj në Kosovë, më shumë se një mijë kilometra larg. I dashuri i saj tani është zhvendosur në Austrinë e Epërme për të jetuar me të. Megjithatë, nëse të dy duan të vizitojnë përsëri atdheun e tyre, ata me siguri do të rezervojnë me një linjë tjetër ajrore.
/shtegu.com