Familjarët e viktimave në Bullgari: Duam vetëm drejtësi..
Pas vendimit për të mos diskutuar në komisionin parlamentar anketues për tragjedinë në Bullgari, kanë reaguar familjarët, shkruan Alsat.
“Ne familjarët e viktimave që humbën jetën në tragjedinë e autobusit në Bullgari, kërkojmë vetëm të vërtetën dhe drejtësinë.
Për këtë qëllim kërkuam që në Kuvend Komisioni anketues të mbajë mbledhje për të drejtat dhe liritë e njeriut.
Por, sot morëm përgjigjen se këtë mbledhje, Kryetari i Kuvendit, Talat Xhaferi, e ka anuluar”, reagojnë familjarët. Sipas tyre vendimet e këtilla janë tentim për të fshehur tragjedinë.
Ata theksuan se Xhaferi i ka rënduar edhe më shumë dhimbjen dhe e pyetën publikisht, përse i pengon e vërteta, kë dëshiron ta mbrojë dhe pse nuk lejon hetim parlamentar.
/Alsat.mk
Advertisement