Zvicër: Të mërkurën fillon gjykimi i shtetasit të Maqedonisë që vrau gruan në sy të fëmijës..

Pas një akti makabër në lagjen Dietikon të Zvicrës, bashkëshorti i viktimës do të paraqitet përpara gjykatës Një grua rreth 30-vjeçare, në gusht të vitit 2019 u gjet e vdekur në banesën e saj në lagjen Dietikon.

Mësohet se atë e ka goditur me thikë bashkëshorti i saj pak më i moshuar, nga i cili jetonte e ndarë. Ndër të tjera, shtetasi i Maqedonisë së Veriut do të duhet të përgjigjet për vrasje në Gjykatën e Qarkut Dietikon, informon portali Shtegu.

Sipas aktakuzës, atë ditë të gushtit i akuzuari i ka rënë ziles në vendbanimin e gruas së tij, me ç’rast ajo i ka dhënë atij qasje në shkallët. Kur gruaja hapi derën e banesës vetëm një çarje, ai e hapi derën me forcë dhe u fut në banesë.

Për pasojë mësohet se ka goditur disa herë me grusht viktimën në kokë. Rrahjet e dhunshme e hodhën gruan në banjë. Më pas i akuzuari goditi të paktën pesë herë me thikë kuzhine në pjesën e sipërme të trupit të gruas së tij, e cila ishte e shtrirë e palëvizur në dysheme.

Viktima ka ndërruar jetë pak minuta më vonë ndër të tjera nga humbja e gjakut dhe insuficienca kardiake. Në momentin e krimit në shtëpi ndodhej fëmija i çiftit.

Sipas aktakuzës, i akuzuari ka vepruar “jashtëzakonisht mizorisht dhe në mënyrë të paskrupullt”. Fillimisht ai e ka paaftësuar viktimën duke e goditur me dhunë në kokë dhe më pas ka goditur me thikë viktimën e pambrojtur.

Duke vepruar kështu, ai shkoi përtej aktit realisht të domosdoshëm të vrasjes, duke goditur vazhdimisht viktimën, e cila tashmë po vdiste nga goditjet e mëparshme, me brutalitet ekstrem.

Pas vrasjes, ai mbylli derën e banjës nga jashtë dhe mori çelësin me vete “për t’i hequr viktimës mundësinë e fundit të shpëtimit, nëse do të rifitonte vetëdijen”. Prokuroria supozon se i akuzuari nuk ka dashur të pranojë që gruaja e tij është larguar nga ai dhe ka refuzuar lidhjen martesore me të, për këtë arsye është trembur. Gjyqi fillon të mërkurën. Vendimi pritet të premten.

/shtegu.com