Dikur vetëm Varroseshin në vendlindje diaspora tash as at nuk e duan.. Nga Prof. Ilaz Kadriu

Zt. Çeliku ka plotësisht të drejtë. Diaspora shqiptare në përgjithësi dhe ajo kërcovare në veçanti, që nga vitet e hershme të saj në Evropë dhe Amerikë, sidomos pas viteve 90 ta e dha provimin historik kombëtar :

– gjatë kohë luftoi regjimin jugosllav , haptas dhe fshehur , me demonstrata dhe me aktivitete politike institucionale duke krijuar miqësi sidomos me personalitete të shumta të administratës amerikane në Washington dhe Bruxelles,

– më shumë se një dekadë financoi sistemin paralel të shtetit të Kosovës të shpallur më 2 korrik 1990, duke organizuar 3 % shin në llogari të Kosova Fund Incorporation ( kah fundi edhe Vendlindja Therret ), të cilët,në forma të ndryshme u keqpërdorën dhe u vodhën nga individë të caktuar të cilët , momentalisht janë në Hagë apo nga disa të tjerë të cilët sillen lirshëm si kapadahinj në Parlamentin e Kosovës duke pritur thirrjen për më Hagë, dhe disa të cilët sillen poshtë e lartë nëpër Prishtinë pa dhënë asnjë llogari edhe pse kanë kaluar 3 dekada.
– Diaspora Kërcovare në Evropë dhe Amerikë financoi dhe lloboi dhe politikisht përkrahu luftën e UCK-së në Maqedoni,

– Diaspora Kërcovare në Evropë dhe Amerikë bëri aktin më të madh historik duke lëvizur cdo gurë në Evrope dhe Amerikë për të sjellur votuesit kërcovarë të votojnë jo Fatmir Deharin, por kryetarin e parë historik shqiptar pas Luftës së II të Botërore, duke dhënë një shembull për historinë autoktone të këtij qyteti dhe duke vënë ceshtjen kombëtare para interesave personale,
– Diaspora Shqiptare Kërcovare aty këtu ka tentuar të investojë në Kërcovë, por me sa di unë, gati asnjëri nuk ka qënë i suksesshëm, pasi që, oligarkët tanë të zgjedhur edhe prej
diasporës, më shumë kanë penguar duke kërkuar ryshfete te mëdha nga investitorët dhe në këtë mënyrë duke krijuar një klimë pasigurie te investitorët e radhës.

– pastaj, kur i hidhet një sy panoramës së Kërcovës , jo nga helikopteri por nga toka, atëherë njeriu i zakonshëm dhe ai nga diaspora do të ballafaqohet me :
* pastërti të përgjithshme hapsinore
* ndërtime pa leje dhe pa sigurime kantieresh,
* spital të çrregulluar aq shumë sa që edhe qentë endacakë e llogarisin të papërshtatshëm !

Dhe, kur njeriu normal nga diaspora e Evropës dhe Amerikës, ku dominon rregulli dhe qetësia publike së bashku me zhvillimet tjera normale të sferave të ndryshme të jetës së përditshme, has në problemet e lartpërmendura, atëherë, pse duhet të habitemi se jo vetëm rinia, por edhe pensionistët nuk kthehen në vendlindje !

Diaspora Shqiptare Kërcovare gjer vonë kishte zgjedhur vetëm VARRIMIN në vendlindje, kurse sipas disa rasteve të vonshme, edhe ky vendim ka filluar të ndryshojë te shumica e kërcovarëve .
Dhe kështu dalëngadalë, një ditë më në vendlindje do të mungojë edhe VARRIMI i lënë më parë edhe me amanet.
Dhe e tërë kjo ka një arsye të madhe : politikat e gabuara shqiptare e zbrazën vendin së pari nga të gjallët e pastaj edhe nga të vdekurit.

Shkruar nga Prof.
Ilaz Kadriu
Chicago, 17 mars, 2022

/ms