Trump: Globi pranë luftës botërore..

Ish-presidenti i SHBA-ve, Donald Trump ka shprehur frikën e tij për një luftë të tretë botërore përmes armëve bërthamore. Sipas republikanit, Rusia është e fuqishme, ndërsa Amerika drejtohet nga të paaftë.

Duke folur në një medie në SHBA, ish-presidenti Donald Trump adresoi frikën e tij rreth përshkallëzimit të mundshëm të situatës në Ukrainë, për të cilën tha se i druhet një lufte botërore përmes armëve bërthamore.

Trump: Njerëzit duhet të frikësohen për një luftë bërthamore pasi sipas tij ata që drejtojnë Shtetet e Bashkuara janë të paaftë. Ka shanse reale për një lufte botërore, duke marrë shkas nga tensionet aktuale.

Trump pranoi se Rusia ishte një fuqi bërthamore, por ai u rikujtoi amerikanëve se edhe SHBA-të kanë aftësi bërthamore.

Trump: Po Rusia është një fuqi reale bërthamore, por edhe Shtetet e Bashkuara kanë aftësi të mira bërthamore për të ndalur agresionin e Moskës.

Vox Pop/ Sa kushton sot një lidhje? “Kanë vdekur burrat që paguanin dhe të mbanin si princeshë”
Trump edhe disa ditë më parë ka akuzuar administratën aktuale të presidentit Biden si shkaktaren e përshkallëzimit të konfliktit në Ukrainë pasi sipas tij, nëse ai do të ishte në pushtet, lufta nuk do të kishte ndodhur.

Ndërkohë sa i përket Federatës së Shkencëtarëve Amerikane, SHBA-të kanë rreth 5428 armë bërthamore, përfshirë ato aktive, rezervat dhe ato që nuk janë më në punë.

Ndërsa Rusia sipas Federatës amerikane ka 5977 armë bërthamore pra mbi 500 më shumë se Shtetet e Bashkuara.

/oranews