Vdes personi të cilit iu transplantua zemra e derrit..

57-vjeçari, David Bennet, i cili në fillim të janarit të këtij viti, i ishte vendosur zemra e derrit, ka vdekur të martën, raportojnë mediat e huaja.

Ende nuk dihet se çfarë e ka shkaktuar saktësisht vdekjet e Bennettit, megjithatë siç ka njoftuar Qendra Mjekësore e Maryland, ai ka qenë duke u rikuperuar pas operacionit të 7 janarit.

Gjendja e tij kishte filluar të përkeqësohej ditëve të fundit, derisa spitali ka njoftuar për vdekjen e tij sot.

Bennett ishte pacienti i parë që mori një organ kafshe të modifikuar gjenetikisht për të parandaluar refuzimin tek një person, transmeton Paparaci.

Nuk kishte asnjë shkak të qartë të identifikuar në kohën e vdekjes së tij, tha zëdhënësja e spitalit Deborah Kotz, dhe studiuesit planifikojnë të kryejnë një rishikim të plotë të vdekjes së tij dhe të publikojnë rezultatet në një artikull të rishikuar nga kolegët.

“Jemi të shkatërruar nga humbja e zotit Bennett. Ai u tregua një pacient trim dhe fisnik që luftoi deri në fund. Ne i shprehim ngushëllimet tona më të sinqerta familjes së tij”, tha në një deklaratë Dr. Bartley Griffith, kirurg që drejtoi transplantin e Bennett.

“Zotëri Bennett u bë i njohur nga miliona njerëz në mbarë botën për guximin dhe vullnetin e tij të palëkundur për të jetuar.”

/Paparaci