Indeksi i çmimeve të ushqimit rritet në nivel rekord..

Indeksi i çmimeve të FAO-s mesatarisht arrin 140,7 pikë në shkurt 2022, që është 5,3 pikë (3,9 për qind) më shumë se në janar dhe madje 24,1 pikë (20,7 për qind) mbi nivelin e një viti më parë.

Ky është nivel i ri më i lartë i të gjitha kohërave, duke tejkaluar kulmin e mëparshëm të shkurtit 2011 me 3.1 pikë.

Rritja e muajit shkurt u ndikua nga rritjet e mëdha të nën-indekseve të vajrave bimore dhe produkteve të qumështit.

Çmimet e drithërave dhe mishit janë rritur gjithashtu, ndërsa nën-indeksi i çmimit të sheqerit ka rënë për të tretin muaj radhazi, sipas agjencisë së OKB-së.

Çmimet botërore të ushqimeve u rritën me 24.1 për krahasuar me shkurtin e vitit të kaluar, duke arritur nivelin më të lartë që nga hulumtimi i të dhënave të FAO-s, nxitur nga çmimet më të larta për vajrat bimore dhe qumështin si dhe produktet e qumështit.

FAO nënvizon frikën e ndërprerjes së eksporteve të vajit të lulediellit nga rajoni i Detit të Zi pas pushtimit rus të Ukrainës, e cila së bashku me Rusinë përbën rreth 80 për qind të tregut botëror të eksportit.

/alsatm