“Jemi të gatshëm të koalicionojmë me opozitën shqiptare” – Kasami rizgjedhet kryetar i Lëvizjes Besa.. (VIDEO)

Me arritjen e kryetarit të Lëvizjes Besa, Bilall Kasami, nisi Kongresi i dytë i partisë.
Para të pranishmëve u shfaq një video e rrugëtimit të “Besës” që nga themelimi e deri sot.

“Mund të them lirisht se kemi gjithë përgatitjen dhe potencialin e nevojshëm intelektual, politik për të përfaqësuar shqiptarët në institucionet e shtetit.

Qeverisja e Lëvizjes Besa është sinonim i kuadrove të pastra”, tha Adnan Azizi, sekretar i Lëvizjes Besa.

Pas përfundimit të Kongresit, kreu i partisë Kasami foli për kërkesën e Besës për zgjedhje të parakohshme parlamentare dhe nëse do të hynte në koalicion me Aleancën për Shqiptarët.

“Lëvizja Besa ka treguar se është hapur dhe është e angazhuar fuqishëm për një bashkëpunim dhe bashkim të opozitës shqiptare, por asnjëherë nuk kemi nguruar që edhe të vetëm të dalim në zgjedhje.

Pra ne angazhohemi që të kemi artikulim, të përbashkët të zërit opozitar që sa më shpejtë dhe sa më lehtë të sjellim ndryshimin e kahmotshëm e të nevojshëm për shqiptarët e RMV”, tha Bilall Kasami, lider i Besës.

Lëvizja në Kongresin e saj të rregullt ka rizgjedhur Bilall Kasamin për kryetar të partisë, ndërsa pati dhe ndryshimi në statusin e partisë, duke u shtuar posti i zëvendëskryetarit, ku u zgjodh Arjanit Hoxha. këtë kongres të pranishëm ishin edhe pjesëtarë të Aleancës për Shqiptarët dhe të VMRO-DPMNE-së.

VIDEO:

/tv21