Dhjetëra të vrarë dhe qindra të zhvendosur.. (VIDEO)

Agresioni rus ndaj Ukrainës nisi mëngjesin e së enjtes në orën 05:00, sipas orës lokale nga territori i pushtuar.

Pushtimi nisi me një seri sulmesh me raketa kundër vendndodhjeve pranë Kievit, si dhe përdorimin e artilerisë me rreze të gjatë kundër qytetit verilindor të Kharkiv, pranë kufirit rus.

Ai u përhap shpejt në të gjithë Ukrainën qendrore dhe lindore ndërsa forcat ruse sulmuan vendin nga tre anët. Presidenti rus Vladimir Putin mbajti një fjalim herët në mëngjes, duke thënë se ai kishte vendosur “të kryejë një operacion të posaçëm ushtarak, për të mbrojtur njerëzit që janë nënshtruar abuzimit dhe gjenocidit nga regjimi i Kievit për tetë vjet”.

Megjithatë, ai mohoi se Rusia po planifikonte të pushtonte territoret e Ukrainës. Mediat kanë raportuar për 40 ushtarë të vrarë dhe 10 civil dhe disa të plagosur, si pasojë e sulmeve, por numrat vazhdimisht po ndryshojnë.

Presidenti ukrainas Volodymyr Zelensky u përgjigj disa orë më vonë me një fjalim të tij një minutësh, duke thënë se ai kishte folur me Presidentin e SHBA-ve Joe Biden dhe se SHBA po mblidhte mbështetjen ndërkombëtare për Ukrainën.

Videoja që u transmetua live nga CNN gjatë raportimit live është realizuar në Senkivka, Ukrainë, ku shihen trupat ruse duke kaluar përmes Veselvoka të Bjellorusisë. Një kolonë e gjatë e trupave ruse u panë duke hyrë në Ukrainë rreth orës 6:48 sipas kohë lokale.

Ka gjithashtu raporte të shumta nga mediat lokale duke cituar Ministrinë e Brendshme të Ukrainës, e cila thotë se disa nga sulmet me raketa kanë goditur qendrat e komandës ushtarake të raketave të Ukrainës dhe selinë ushtarake në Kiev.

Ministria ruse e mbrojtjes ka mohuar të ketë sulmuar qytetet ukrainase, duke thënë se po synon infrastrukturën ushtarake, mbrojtjen ajrore dhe forcat ajrore me “armë të precizionit të lartë”.

Ushtria e Ukrainës, me anë të një postimi në Facebook ka njoftuar se ka rrëzuar 5 aeroplanë rusë dhe një helikopter. Mirëpo Rusia mohoi të ketë humbur ndonjë avion.

Shumë njerëz në Kiev kanë nxituar në stacionet e metrosë për t’u strehuar. Të tjerë kanë hipur në autobusë për t’u larguar nga qyteti dhe ka radhë makinash që përpiqen të dalin nga Kievi.

Presidenti ukrainas Volodimir Zelenski ka njoftuar se i ka ndërprerë marrëdhëniet diplomatike me Moskën dhe u ka bërë thirrje qytetarëve ukrainas që të ndihmojnë në mbrojtjen e vendit nga sulmet ruse, duke shtuar se atyre do ju jepen armë që të kyçen në luftë.

VIDEO:

/shenja