Maqedoni derivatet e naftës janë rritur për 70%.. (VIDEO)

Çmimet e derivateve për një vit janë rritur për 70%. Kështu reagojnë nga VMRO-DPMNE-ja opozitare dhe për këtë e akuzojnë pushtetin LSDM-BDI.

Siç thotë ata në komunkatën dërguar mediave, derivatet janë hallkë kyçe në një numër të madh të industrive dhe se çmimi i të gjitha produkteve në masë të madhe varet nga çmimi i tyre.

VMRO-DPMNE
“Në prill të vitit 2020 dizeli është shitur me çmim nga 46 denarë, në prill të vitit 2021 çmimi ka qenë 56 denarë, ndërsa sot i njejti shitet me çmim 75 denarë, një rritje prej 63%. Rritje drastike ka edhe tek çmimi i benzinës. Në prill të vitit 2020 është shitur me çmim prej 50 denarë, në prill të 2021 me çmim prej 69 denarë, kurse sot me çmim prej 84.5denarë, që është një rritje prej afër 70%”.

Më tej thonë se me LSDM-në dhe BDI-në ka vetëm varfëri dhe me ta në pushtet nuk do të ketë zgjidhje të krizës. Ndërsa shtojnë, se me veprimet e tyre janë goditur qytetarët, transportuesit, minierat, ndërtimtaria, praktikisht të gjitha industritë.

Me qenë se çmimet e derivative në vend po rriten nga java në javë, VMRO më herët propozoi që të ulet akciza për derivatet. Vetëm dy ditë më parë, Komisioni Rregullator i Energjetikës miratoi vendimin, me të cilin u rritën çmimet e shitjes me pakicë të derivateve të naftës mesatarisht për 0.56 %. Posaçërisht në tetë javët e fundit ka pasur vazhdimisht rritje të çmimeve.

VIDEO:

/shenja