Amabasadorja e Ukrainës në Maqedoni: Jeni me fat që jeni bërë anëtare e NATO-s..

Natalia Zaduruzhnyuk, ambasadorja e Ukrainës në Shkup, në emisionin “200” që transmetohet në TV ALSAT theksoi se Rusia ka shkelur të gjitha marrëveshjet.

Ajo përmendi gjithashtu historinë e konfliktit midis Rusisë dhe Ukrainës, por theksoi se Ballkani Perëndimor është i sigurt nga ndikimi rus.

“Vetë regjimi i Moskës krijon situata konflikti, zona konflikti, për të kërkuar më pas pjesëmarrjen e saj në zgjidhjen e tyre. Ky trend mund të shihet në rajonin e Ballkanit Perëndimor.

Nuk i përshtatet Rusisë të zgjidhë çështjen dhe të stabilizojë rajonin. Sepse zgjidhja e çështjeve të ndjeshme do të zvogëlojë ndjeshëm rolin e saj politik dhe aftësinë për të ndikuar në proceset e brendshme në rajonet e secilit vend veç e veç.

Nga dalja e trupave hibride ruse, Ballkanin e shpëton distanca gjeografike dhe prania e trupave të NATO-s në rajon. Por këta faktorë nuk na shpëtojnë nga shfaqja e informacionit hibrid dhe luftërave ekonomike. Jeni shumë me fat që jeni bërë anëtare e NATO-s”, tha Zaduruzhnyuk

/alsatm