Kërçovë ende ska zgjidhje për transportin e 50 gjimnazistëve..

Vazhdon mësimi online për 50 gjimnazistët e Komunës së Pllashicës, të cilët për shkak të problemeve me tenderimin për transportin, nuk filluan mësimin me prezencë fizike në SHMK “Mirko Mileski” në Kërçovë.

TV21 dy herë radhazi e ngriti këtë si çështje dhe u premtua se më 15 shkurt nxënësit do ta fillonin mësimin me prezencë fizike.

Nga Komuna një javë më parë i thanë TV21 se problem i gjithë kësaj ka ardhur si rrjedhojë e çmimit të lartë të kompanisë. Tenderi është përsëritur sërish, por herën e dytë kompania nuk ka dërguar dokumentacionin e duhur. Tenderi është shpallur për herë të tretë dhe pritet që brenda javës që vjen të zgjidhet çështja.

Por edhe pse sot jemi 21 shkurt nxënësit vazhdojnë të ndjekin mësimin online, sepse nuk është gjetur zgjidhje ende për bartjen e tyre. Për problemin në fjalë është e njoftuar edhe Ministria e arsimit.

/tv21