Mërgimtarët mbajnë gjallë familjet në vendlindje..

Kriza ekonomike ka rritur dukshëm numrin e familjeve nevojtare në territorin e Gostivarit. Kështu së paku flasin të dhënat nga terreni, respektivisht të njerëzve që çdo ditë realizojnë aksione humanitare.

Një nga ato është edhe kryetari i bashkësisë lokale të fshatit Çajlë, Sinan Elezi, sipas të cilit numri i familjeve të cilët kanë mungesë të gjësendeve elementare për jetesë krahasuar me vitin e kaluar është shumëfishuar.

Elezi thotë se ai vetë gjatë janarit ka regjistruar rreth 50 familje që kanë nevojë për ndihmë për të shtuar se shumica nga ata në këtë periudhë pandemike kanë mbetur pa punë ose edhe e kanë humbur vendin e punës.

“Sidomos gjatë kësaj periudhe shumë të keqe ku nuk ka ndikuar vetëm, Covdi 19, por edhe shtrenjtimet, neve në çdo javë na shtohet numri i nevojtarëve dhe numri pres ende të rritet.

Unë ju bëjë apel të gjithëve, që jo vetëm këtu te unë, po ku të dëgjojnë se ka nevojë, le të ndihmohet pasi sadakaja e rrit pasurinë”, deklaron Sinan Elezi, kryetar i B.L. të fshatit Çajlë.

Megjithatë, falë bamirësve, në veçanti mërgatës, shumë familje nevojtare furnizohen me ushqim. Shembull i tillë ishte aksioni i sotëm humanitar që e realizoi bashkësia l okale e fshatit Çajlë.

Ishin 15 pako ushqimore të përgatitura, të cilat i kishin financuar bashkëatdhetarë nga rrethi i Gostivarit, të cilët me punë ndodhen në Itali.

“Të gëzosh sot me një pako ushqimore një nevojtar në këtë kohë të pandemisë, të krizës ekonomike, kur janë shtrenjtuar të gjitha produktet elementare, është diçka jashtëzakonisht e mirë.

Donatorët e sotëm janë me punë në Itali, ndërsa janë të rajonit të Gostivarit të cilët dëshirojnë të mbeten anonim.

Janë rreth 750 euro me të cilat janë siguruar 15 pako: 5 pako shkojnë në Çajlën e Re, 2 pako në Çajlën e Vjetër, 3 në Balindollin e Vjetër, 2 në Pitarnicë dhe 3 në Gostivar”, deklaron Sinan Elezi, kryetar i B.L. të fshatit Çajlë.

Krahasuar me mujan dhjetor të vitit të kaluar, në janar standardi jetësor është shtrenjtuar për 700 denarë, gjegjësisht një familje katër antarëshe në muaj i duhen rreth 36.000 denarë.
Ndryshe, në Gostivar ka rreth 10.000 persona të papunë, pjesa më e madhe kërkues aktiv të punës.

/globi.mk