Shqiptari qëllon me thikë një person në Gjermani, por nuk arrestohet..

Një person (32) është goditur me thikë në Dortmund të Gjermanisë, pasi ka dashur të ndihmonte një vajzë. Sulmuesi i dyshuar me thikë, një kosovar (18), u arrestua – por më vonë u lirua.

Viktima dhe një koleg pune (35), në parkingun e një supermarketi kishin parë se si i riu dhe vëllai i tij (19) debatonin me një grua (18), duke e shtyrë atë.

Ata treguan guxim qytetar: “Dy dëshmitarët kanë dashur të ndihmojnë gruan”, thotë zëdhënësi i policisë, Peter Bandermann.
Është ende e paqartë se çfarë ka ndodhur më pas – hetuesit kanë marr deklarata kontradiktore për këtë.

Por mesa duket 18-vjeçari e ka goditur me thikë 32-vjeçarin në pjesën e sipërme të trupit! Viktima ka qenë me shumë fat që lëndimi nuk i ka rrezikuar jetën.
Për të plagosurin ishin kujdesur dy mjekë ndihmës që ishin të pranishëm dhe më pas burri u dërgua në spital. Mësohet se thika nuk ka lënduar organe të brendshme.

Oficerët e policisë kanë mundur të ndalojnë të dyshuarin i cili kishte ikur 500 metra më tutje, informon portali Shtegu. Është sekuestruar arma e dyshuar e krimit. Burri nga ëuppertal e mohoi krimin. Vëllezërit, të dy të njohur për policinë për krime të ndryshme, duhej të shkonin në shërbimin e identifikimit.

“Nuk ka pasur arsye për arrestim. Ndër të tjera, i dyshuari ka vendbanim të përhershëm”, sqaron zëdhënësi i policisë. Komisionerët e Nordstadt po hetojnë për shkak të lëndimit të rrezikshëm trupor.

/shtegu.com