Tr3ndy nga Kërçova dhe Fatoni nga Shkupi, janë artistët pas “U kry”? (VIDEO)

“U kry” titullohet kënga më e re që i është bashkuar klasifikimit të kësaj jave të “The Top List”. Ky projekt erdhi në bashkëpunim mes Tr3ndy dhe Faton Qerimit. Por cilët janë ata?

Faton Qerimi është një 21-vjeçar nga Shkupi i cili merret me këndim, shkruan këngë dhe tekste, ndersa planifikon ti lançojë këngët muajt që vijnë.

Fatoni me muzikë filloi të merret që në moshën 10-vjeçare, duke mësuar vetë si të luajë instrumentet si piano e kitarë, e që pasionin e tij për muzikë e shprehu përmes mashupeve, remiksëve e karaoket që bënte dhe lançonte në kanalin e tij në YouTube.

Për herë të parë zëri i tij u dëgjua në TikTok me duetet e krijuara nga ai, që bënin me këngë cover, ndersa së fundmi publikoi këngën e tij të parë të realizuar profesionalisht, “U kry” që është në bashkëpunim me producentin Tr3ndy.

Momentalisht, Fatoni ndjek studimet për arkitekturë në Shkup, ndërsa me muzikë ka në plan të merret edhe më seriozisht, duke u premtuar degjuesve muzikë e tekst të veçantë.

Nga ana tjetër, Dardan Ballazhi apo siç njihet me emrin artistik DJ TR3NDY lindi më date 31.12.1994 në Kërçovë. Punon si producent dhe DJ, po ashtu edhe si GHOST PRODUCER. Në 2014 kompozoi dhe lançoi projektin “Welcome To Prishtine” në bashkëpunim me Adrian Gaxhën.

Pas atij suksesi nisi me performanca nëpër Kosovë, Gjermani e Zvicër nepër clube të ndryshme. Po ashtu ai ka qenë DJ personal i 2Ton dhe Ardian Bujupit. Në 2020 lançon projektin e ri “DREDHA” me Doksin, Skivin & Florianin, projekt që u prit shumë mirë nga publiku. Pas këtij projekti Tr3ndy lançon remixin e Alban Skënderaj “Vetëm Ty” dhe remixin e Elita 5 “CMENDEM”.

Tr3ndy vazhdon të sjellë projekte interesante ku njëri prej tyre është edhe Mashup Remixi i Elvanës dhe Lyrical Son & Mc Kresha, mashup i pëlqyer edhe nga Lyrical Son. Projekti i fundit i Tr3ndy është bashkëpunimi me Faton Qerimin, “U Kry”, një projekt me zhaner elektronik.

VIDEO:

/tch