Dehari tregon se sa kripë është hedhur në rrugët e Kërçovës.. (VIDEO)

Kryetari i Komunës së Kërçovës Fatmir Dehari për TV21 foli në lidhje me vlerën e kripës së hedhur rrugëve në këto ditë me borë.

Ai tha se informacionet që kanë qarkulluar nëpër portale për 40 ton krip me vlerë marramendëse në para nuk është e vërtetë.

Dehari thekson se deri më tani për kripën e hedhur në Komunën e Kërçovës dhe në fshatrat në rrethinë janë harxhuar vetëm 2.495 euro e jo mijëra euro siç është potencuar nëpër shkrime të ndryshme.

Dehari tha se komuna e Kërçovës me territor është Komuna më e madhe në Maqedoni dhe se kanë pastruar të gjitha rrugët sa herë që ka rënë borë, duke mos lënë në vështirësi asnjë fshat por edhe lagjet e qytetit.

“Për çdo harxhim qoftë në të kaluarën, qoftë në ditët në muajt dhe vitet në vijim komuna e Kërçovës do ti pasqyrojë siç i ka pasqyrua në mënyrën më të saktë, por do më lejoni që edhe një herë të theksoj nuk është korrekte që pas çdo lajmi ne të bëjmë demant, ku sot fatkeqësisht edhe rrjetet sociale e bëjnë lajmin duke qëndruar nga krevati apo nga një kafene apo nga ndonjë vend tjetër të motivuar nga tendenca të ndryshme, qofshin ato politike apo thjeshtë ndonjëherë jo shumë njerëzore”, tha kryetari i Komunës së Kërçovës, Fatmir Dehari.

Më 2 janar Ndërmarrja për mirëmbajtjen e rrugëve shtetërore “Rrugët e Maqedonisë” nëpërmjet një deklarate tha se për ta lehtësuar lëvizjen e automjeteve nëpër rrugët magjistrale nga Gostivari, Kërçovë,
Ohër dhe Prilep janë hedhur 40 ton krip dhe 70 kubik rërë.

VIDEO:

/tv21