Katër ditë i bllokuar në pus, bota vajton për humbjen e Rayan..

Lufta e ekipeve të shpëtimit për të nxjerrë të gjallë djaloshin 5-vjeçar që kishte rënë brenda pusit, përfundoi me një fund tragjik. Rayan, i cili qëndroi i bllokuar për 4 ditë në pus, ndërroi jetë menjëherë sapo e nxorën.

Përpjekja për të shpëtuar djalin kishte mbërthyer vendin, me qindra njerëz të mbledhur në pus dhe mijëra të tjerë që e ndiqnin në internet.
Njerëzit në mediet sociale në mbarë botën shprehën pikëllim dhe dërguan mesazhe ngushëlluese.

“Guximi i Rayan do të mbetet në kujtimet tona dhe do të vazhdojë të na frymëzojë”, shkroi mesfushori i Milanit, Ismael Bennacer.
Në një postim në Facebook, presidenti francez Emmanuel Macron shkroi: “Sonte, dua t’i them familjes së Rayanit të vogël dhe popullit maroken se ndajmë dhimbjen e tyre”.

Babai i Rayan ishte duke riparuar pusin në momentin e aksidentit të martën. Ai u tha medieve lokale të nesërmen se djali i tij ishte rrëzuar në pus në një moment që i kishte hequr sytë nga ai. Ekipet e shpëtimit u përpoqën t’i jepnin djalit oksigjen, ushqim dhe ujë, por ishte e paqartë nëse ai ishte në gjendje t’i përdorte ato.

/oranews