Takim i kryetarit të komunës së Kërçovës, Dehari me kryetarët e bashkësive lokale..

Kryetari i komunës së Kërçovës, Fatmir Dehari sot realizoi takim me kryetarët e bashkësive lokale, në të cilin u bisedua për gjendjen aktuale dhe gjendjen e krizës që janë shfaqur me energjinë elektrike në plan global.

Në propozim të kryetarit të komunës Dehari, u soll vendim, në periudhën që vijon Komuna e Kërçovës të vendos kufizime më saktë ulje të periudhës së punës së ndriçimit publik.

Ky vendim u pranua njëzëri nga të gjithë të pranishmit në takim dhe u vendos që këto masa kufizuese të fillojnë të zbatohen në afat sa më të shkurtër të mundshëm.

Dehari shprehu falënderim të madh për mirëkuptimin nga ana e përfaqësuesve të bashkësive lokale dhe i falënderoi për bashkëpunimin e tyre.
Ai shtoi se ulja e periudhës së shfrytëzimit të ndriçimit publik do të mundësojë të realizohet kursim i cili është me rëndësi e paçmueshme në kohën kur në botë ndodh kriza energjetike.

/zhurnal