Kërçovë: Debat i ashpër për qentë endacakë..! (VIDEO)

Zgjidhja e problemit me qentë endacak në Kërçovë ishte tema që nxehu debatin seancë të këshillit të Komunës. Përfaqësuesja e Komunës për trajtimin e qenve endacakë, Emilija Petreska, duke prezantuar programin tregoi se janë ndarë 1 milion denarë për trajtimin e qenve, 600 mijë denarë për fushatë për ngritjen e vetëdijes dhe 20 milionë donacion i siguruar për qentë endacak. Por nga gjithë këto jete të siguruara për vitin 2022 nuk u shpalos ndonjë plan konkret për problemin me qentë endacak përveç trajtimit të tyre.

“Stacionari është planifikuar dhe paraparë dhe sa jam e njoftuar unë, stacionari do të ndërtohet shumë shpejtë, me stacionarin do të kemi një zgjidhje shumë të mirë, megjithatë jo që nuk duam të ndërtohet stacionari por vetë ndërtimi i stacionarit tërheq shumë punë dhe miratim të shumë vendeve në vendin që do të ndahet”, tha Emilija Petreska, përfaqësuese e Komunës së Kërçovës.

Këshilltarët ngritën zërin duke kërkuar një afat konkret për ndërtimin e stacionarit sepse, sipas tyre, kjo gjendje po e dëmton buxhetin komunal, pasi dëmshpërblimet që marrin qytetarët nga kafshimet e qenve endacak kapi një vlerë të lartë.

Të dhënat e SPB-Ohër tregojnë se gjatë viti 2021 ka pasur 237 sulme nga qentë endacak dhe dëmshpërblimi minimal që marrin qytetarët është 500 euro. Duke u bazuar në këto shifra, këshilltari i ASh-së, Abulla Sejdini, tha se komuna për vitin 2021 ka dhënë 120 mijë euro dëmshpërblim.

“Në qoftë se i shohim këto mjete të ndara nga mungesa e stacionarit atëherë kjo është barrë për buxhetin e komunës dhe nga ana tjetër kemi pasiguri tek qytetarët”, tha Abdulla Sejdini, këshilltar i ASh-së.

Por Këshilltarja e LSDM-së, Ollgica Poposka, thotë se shifra e kafshimeve nga qentë endacakë është shumë më e lartë se kaq.
“Tek ne janë evidentuar 250 raste të kafshimit të qenve endacak, ku sigurisht janë dhënë vërtetime mjekësore edhe tek mjekët tjerë jo vetëm tek ndihma e shpejtë”, theksoi Ollgica Poposka, këshilltare eLSDM-së.

Këshilltari i VMRO-DPMNE-së thotë se duhet të dihet afati ndërtimit të strehimores dhe jo vetëm të parashohim sikur po lexojmë horoskopin.
“Ne këtu vetëm parashohim asgjë konkrete nuk është thënë, më duket sikur po më lexoni horoskopin, parashohim vitin e ardhshëm stacionar, vetëm parashohim…”, tha Mihajllo Daniloski, këshilltarë i VMRO-DPMNE-së.

Seanca e këshillit u ndërpre në mes të mbledhjes, sepse kryetari i këshillit u largua pa dhënë arsye.
Këshilltarët e opozitës thanë se kjo ndodhi për shkak të mospasjes shumicën e votave për pikat në vazhdim.

VIDEO:

/tv21