Shqiptari dënohet me burgim të përjetshëm në Gjermani..
Therja fatale me thikë në bujtinën e fshatit në ëiedergeltingen të Gjermanisë ishte një vrasje. Kështu e ka vlerësuar krimin Gjykata e Qarkut të Memmingen. Prandaj gjykata e ka dënuar me burgim të përjetshëm kosovarin e akuzuar 52-vjeçar.
I akuzuari i ka zënë pritë ish-bashkëshortit të ish-partneres së tij në mars të vitit të kaluar dhe e ka vrarë. Sipas gjykatës, ai ka përfituar nga mungesa e dyshimit dhe pambrojtja e viktimës së tij.
Edhe nëse i akuzuari, sipas deklaratave të tij, nuk mund të kujtonte më rrjedhën e krimit, gjykata e konsideroi atë si plotësisht fajtor. Gjykata nuk mundi të identifikonte ndonjë arsye për uljen e dënimit.
Dyshohet se mëngjesin e 13 marsit, ai i ka zënë pritë 51-vjeçarit në banesën e ish-të dashurës së tij dhe më pas e ka goditur me thikë për xhelozi dhe me qëllim që ta vriste me tre të goditura.
Krimi thuhet se ka ndodhur për shkak se e dashura e të akuzuarit u nda nga ai në fillim të vitit 2021 dhe më pas u rikthye në lidhje me ish-bashkëshortin e saj, i cili më pas u bë viktimë, transmeton portali Shtegu.
Mësohet se i akuzuari e ka fshehur dhe i ka zënë pritë viktimës së tij kur ka dalë nga banesa rreth orës 5 të mëngjesit për të shkuar në tualet jashtë banesës – pa e ditur rrezikun. 51-vjeçari ka ndërruar jetë në vendngjarje. Në gjykim kanë marr pjesë 50 dëshmitarë, gjashtë ekspertë dhe pesë përkthyes.
/shtegu.com