Kërçovë: Foshnja e parë e lindur në vitin 2022 është djalë..

Foshnja e parë e posalindur në Vitin e Ri 2022 në Kërçovë është djalë. Foshnja u lind dje pasdite, dhe është foshnja e tretë për nënën, e cila më parë kishte pasur vajzë dhe djalë.
“Në spitalin tonë foshnja e parë e posalindur në këtë vit kalendarik është djalë.

Bëhet fjalë për fëmijën e tretë të lehonës e cila më parë kishte vajzë dhe djalë. Foshnja e posalindur peshon 2,5 kilogramë dhe është i gjatë 50 centimetra.

Lindja ishte bërë në rrugë të natyrshme, ndërsa foshnja dhe nëna ndjehen mirë dhe nesër do të dalin nga reparti i gjinekologjisë i Spitalit të Kërçovës”, deklaroi dr. Lupçe Risteski, gjinekolog, i cili e krye lindjen.

Ai njoftoi se nga viti në vit numri i të posalindurve në Spitalin e Kërçovës është gjithnjë e më i vogël.
“Prej para njëzetë viteve në spitalin tonë numri i të posalindurve shënon rënie të vazhdueshme.

Kështu prej rreth 500 të posalindurve në spitalin tonë para dy dekadave, numri i tyre mezi është pak më i madh se 100, me tendencë për ulje të mëtutjeshme. Arsye ka shumë, ndërsa më të rëndësishme janë emigrimi i të rinjve jashtë vendit në periudhën fertile të jetës së tyre dhe lindja e shumë grave jashtë Kërçovës, para së gjithash në Shkup dhe Tetovë”, shtoi Risteski.

/koha.mk