Tollovi e madhe në Aeroportin e Bazelit, mërgimtarët ankohen për manipulime..

Gjatë festave të fundvitit, mërgimtarët i kanë vërshuar aeroportet zvicerane për të kaluar çaste të këndshme me familjarët e tyre në vendlindje.

Një dëshmi e tillë na vjen nga një lexues i rregullt i “Shtegu.com”, i cili na ka dërguar foto nga Aeroporti i Bazelit.
“Jemi të zhgënjyer për së tepërmi nga Agjencia “Prishtina Jet” e cila që një javë me radhë na premton se do të fluturojmë sa më shpejt të jetë e mundur.

Biletat i kemi rezervuar krejt me kohë dhe me rregull, por që disa ditë vimë në aeroport dhe nuk mund të shkojmë në vendlindje, pasi agjencia na jep premtime boshe”, thotë një pasagjer i zemëruar.

Nga ana tjetër, Redaksia e Shtegu.com ka kontaktuar me përgjegjësit e agjencisë në Bazel, prej ku kanë pohuar se çdo gjë ka shkuar si është më së miri, me përjashtim se ka pasur disa vonesa të vogla prej 10-15 minutash dhe të gjitha fluturimet janë realizuar me kohë.

/shtegu.com