Shqiptari plagos në Zvicër pronaren e qenit pasi ai po lehte..

Sipas hetime të deritanishme, dy gra të moshës 31 dhe 34-vjeçare, kanë qenë duke shetitur jashtë me qenin e 34-vjeçares në rrugën “Gärtlistrasse” në Sevelen të Zvicrës.

Më pas ata takuan një grua të panjohur me karrocë dhe një qen të vogël, kur qeni i 34-vjeçares filloi të leh.
Me këtë rast u shkaktua një debat i shkurtër mes dy pronarëve të qenve.

Gjatë këtij debati dyshohet se ka ardhur në vendngjarje një kosovar 33-vjeçar i pa përfshirë, i cili e ka fyer 34-vjeçaren.
Pronarja e panjohur e qenit me karrocën më pas u largua nga vendndodhja.

Më pas 33-vjeçari ka kërcënuar me thikë dy femrat dhe e ka plagosur lehtë në kofshë 34-vjeçaren.
Kur 31-vjeçarja tërhoqi vëmendjen për situatën e saj emergjente, në ndihmë erdhën dy burra të tjerë.

Më pas kosovari 33-vjeçar është larguar.
Ai u arrestua të mërkurën pas një hetimi fillestar, raporton portali Shtegu. Edhe dy burrat që i ishin bashkuar janë larguar pa lënë të dhënat e kontaktit.

Përveç dy burrave dhe gruas me karrocë, ngjarjen ka të ngjarë ta kenë parë edhe persona të tjerë. Personat që mund të japin informacion mbi rrjedhën e ngjarjeve u kërkohet të raportojnë në Policinë e Kantonit St. Gallen.

/shtegu.com