Miratohet pilula anti-COVID e Pfizer, 10 kokrra 478 euro..

Kompania farmaceutike Pfizer ka njoftuar se FDA ka miratuar pilulën e saj antivirale për Covid-19, duke e bërë atë trajtimin e parë për virusin e ri, që mund të merret në shtëpi dhe që pritet të bëhet një “mjet” i rëndësishëm në betejën kundër variantit të ri Omicron që po përhapet me shpejtësi.

Të dhënat nga prova klinike e Pfizer treguan se propozimi antiviral me dy barna ishte 90% efektiv në parandalimin e shtrimit në spital dhe vdekjes në pacientët me rrezik të lartë.
Të dhënat e fundit laboratorike sugjerojnë se ilaçi ruan efektivitetin e tij kundër Omicron.

FDA ka miratuar formulimin oral për trajtimin e pacientëve të rritur me rrezik të lartë dhe pacientëve të paktën 12 vjeç, jashtë spitalit. Kompania siguroi se është gati të fillojë menjëherë dërgesat në SHBA dhe të rrisë prodhimin.

Pilulat Pfizer, që do të merren në kombinim me ilaçin më të vjetër antiviral ritonavir, do të shiten me emrin e markës Paxlovid. Pilulat duhet të merren çdo 12 orë për pesë ditë, menjëherë pas shfaqjes së simptomave të Covid-19, ndërsa do të kushtojnë 478 euro.

/ms