Me sukses u realizua zgjedhja e Këshillit të Myftinisë së Kërçovës
Sot, në ambientet e Xhamisë Sheh Selim Teqe, u realizua zgjedhja e Këshillit të Myftinisë së Kërçovës nga Këshilli i Xhematit brenda Myftinisë.
Këtë takim, e nderoi edhe kryetari i Komisionit të përgjithshëm Zgjedhor z. Irsal ef. Jakupi, sekretar gjeneral pranë BFI-së, drejtori i Vakfit pranë BFI-së z. Dritan Dikena, imamë dhe këshilla të Xhamive në kuadër të Myftinisë së Kërçovës.
Takimi u hap me lexim të Kuranit Fisnik, e më pas Myftiu i Kërçovës Qamil ef. Rushiti, e shpalli të hapur këtë event me të vetmen pikë të rendit të ditës, Zgjedhjen e anëtarëve të Myftinisë.
Mbledhjen e përshëndeti edhe kryetari i Komisionit qëndror zgjedhor z. Irsal ef. Jakupi.
Pas kësaj, fjalën ia la komisionit Rajonal Zgjedhor që të udhëheqë me mbledhjen dhe të mbledhë propozime nga të pranishmit.
Në mënyrë unanime u votuan anëtarët e zgjedhur nga Këshilli i Xhematit, duke përfshirë rajonalizimin e anëtarëve.
Anëtarët e zgjedhur për mandatin e ardhshëm katër-vjeçar janë:
1. Adi Beshiri
2. Muamer Shemoski
3. Sefer Ibishi
4. Xhevat Mehmedi
5. Nuran Sulejmanoski
6. Erqan Selimi
Mbledhja u përbyll me një lutje nga Myftiu duke dëshiruar shumë sukses dhe prosperim për Këshillin e Myftinisë.
22.12.2021,
Kërçovë
Zyra për informim,
Myftinia e Kërçovës
FOTO:
/ms