Blegtorët nga Kërçova në kufi të mbijetesës..

Rritjen ditore të çmimeve të të gjitha produkteve dhe shërbimeve për shkak të situatës globale të shkaktuar nga pandemia me Kovid-19, pothuajse më së miri e kanë ndjerë mbarështuesit e bagëtove të imta dhe të mëdha në Kërçovë.

Në vitin e fundit, për shkak të rritjes së çmimeve të ushqimeve dhe barnave, barinjtë janë në prag të mbijetesës dhe shumë prej tyre janë në dilemë nëse do të vazhdojnë me këtë aktivitet, konfirmoi Ajradin Bajrami, kryetar i Lidhjës së blegtorëve në Kërçovë.

“Për ne blegtorët ekzistenca ka qenë gjithmonë shumë e vështirë, por si vitet e fundit nuk ka qenë kurrë më e vështirë. Gjithçka që na nevojitet për ekzistencë normale në këtë degë bujqësore është në mënyrë drastike më e shtrenjtë dhe më e shtrenjtë, ndërsa produkti ynë – qengji, qumështi, djathi mbeten të njëjta edhe për ne blegtorët të ardhurat në këtë mënyrë janë gjithnjë e më të ulëta”, tha Bajrami.

Ai i përmendi çmimet gjithnjë më të larta për ushqime, ilaçe dhe kullota, të nevojshme për funksionimin normal.
“Vetëm për shembull ushqimet me drithëra, tërshëra, sanë dhe gjerat e tjera të përpunuara nga misri, çdo ditë kanë çmime të reja dhe të reja, të cilat janë një goditje e rëndësishme për përfitimin dhe ekzistencën tonë.

Nëse shteti nuk e jep dorën në kohën e duhur dhe nuk i sheh me sy të vërtetë problemet me të cilat përballemi, është më se e sigurt se një pjesë e mirë prej nesh do të largohen nga kjo degë e bujqësisë, e cila po bëhet gjithnjë e më joprofitabile”, shtoi Bajrami.
Ai theksoi se të gjithë blegtorët përballen me këto probleme dhe të gjithë kanë frikë për të ardhmen e tyre.

/zhurnal