Besart Ibraimi, sërisht shënon 2 gola për skuadrën e Ksantit

Sulmuesi shqiptar, Besart Ibraimi, ka treguar sërisht formë të lartë në fanellën e skuadrës greke, Ksanti. Ai me skuadrën e tij triumfuan me rezultat 5:0 ndaj AO Trikala, në takimin e javës së nëntë të Ligës së Dytë të Greqisë.

Futbollisti kërçovar shënoi në minutën e 41-të dhe në të 62-tën të ndeshjes.
Për Ibraimin është goli i katërt në kampionatin grek, ndërsa ka shënuar edhe 3 të tjerë në Kupën e Greqisë.

Në 9 sfidat në Greqi, përpos golave ka shënuar edhe një assist.
Kujtojmë se skuadra e Ksantit, aktualisht është në krye të renditjes në Ligën e Dytë të Greqisë, me 22 pikë, ose me një pikë më shumë se Veria, që zë vendin e dytë.

/alsatm