Pse nuk japin parashuta në avionë në rast rrëzimi avioni..?

Shumica e njerëzve, të cilët kanë udhëtuar, të paktën një herë me avion, duhet të kenë pyetur veten pse nuk japin parashuta në rast të një përplasjeje avioni

Ne besojmë se çdo pyetje duhet të marrë përgjigje. Sidomos për atë që është kaq e rëndësishme, transmeton Telegrafi.
Ka disa arsye për mungesën e parashutave në avionët e pasagjerëve:

1. Një aeroplan pasagjerësh është një makinë shumë e sigurt dhe e besueshme. Për krahasim: probabiliteti për të vdekur gjatë fluturimit të avionit është 1:11.000.000, ndërsa në trafikun rrugor 1: 5.000.

2. Avioni fluturon në lartësinë rreth 10 – 12 km, me shpejtësi 800 – 1000 km/orë. Një parashutë është thjesht e padobishme në kushte të tilla. Në atmosferë temperatura është nga -40 në -60 gradë, atmosfera është e holluar dhe praktikisht nuk ka oksigjen. Në kushte të tilla, njeriu thjesht nuk do të mbijetojë.

3. Sa herë që një aeroplan hyn në një zonë turbulence, mund të shkaktojë panik te pasagjerët veçanërisht të ndjeshëm. Dhe prania e një parashute vetëm mund të përkeqësojë atmosferën gjatë fluturimit dhe ta bëjë fluturimin plotësisht të padurueshëm për disa pasagjerë.

4. Në momentin e aksidentit njerëzit janë në panik, do ta kishin shumë të vështirë të vinin parashutën dhe të arrinin në vendin ku do të duhej të hidheshin në mënyrë të organizuar.

5. Një numër të madh parashutash, për 100 – 500 persona, kushton është shumë shtrenjtë. Aeroplanët janë të ngarkuar me peshë shtesë. Në këtë mënyrë, nuk do të ketë hapësirë të mjaftueshme për të ruajtur bagazhet e pasagjerëve. Përveç kësaj, këto do të rrisnin çmimin e biletave të avionëve, sepse çmimet e parashutave janë mjaft të larta. /Telegrafi/

/telegrafi